Gujarati News

નવી દિલ્હી,તા.૧૩: મોદી સરકારે જમ્મુ-કાશ્મીરમાંથી કલમ ૩૭૦ હટાવવા અને લદ્દાખને અલગ કરીને બે કેન્દ્ર શાસિત રાજય બનાવવાનો એતિહાસિક નિર્ણય લીધો હતો. કલમ ૩૭૦ હટાવ્યા પછી જમ્મુ-કાશ્મીરમાં કોઈ અનિચ્છનીય દ્યટના ન બને તે માટે વધારાના સુરક્ષાદળો તૈનાત કરવામાં આવ્યા છે. તે જ સમયે, હવે સમાચાર આવી રહ્યા છે કે કેન્દ્રીય ગૃહ મંત્રી અમિત શાહ સ્વાતંત્ર્ય દિનની ઉજવણી શામિલ થવાની સાથે સાથે શ્રીનગરના લાલ ચોકમાં તિરંગો પણ લહેરાવી શકે છે.

હાલમાં ખીણમાં સુરક્ષાની સ્થિતિ તંગદિલીભરી છે, કેટલાક વિસ્તારોમાં કર્ફ્યુ લાગેલ છે. કલમ ૩૭૦ રદ કરતા પહેલા અટકાયતમાં લેવામાં આવેલા કેટલાક લોકો હજી પણ કસ્ટડીમાં છે. રાષ્ટ્રીય સુરક્ષા સલાહકાર અજિત ડોવલ, જે રાજયની એકંદર સુરક્ષા પરિસ્થિતિનું મૂલ્યાંકન કરવા માટે ખીણમાં છે, સોમવારે શહેર અને દક્ષિણ કાશ્મીર વિસ્તારોનો હવાઈ સર્વે હાથ ધર્યો હતો, કારણ કે સખ્ત પ્રતિબંધો વચ્ચે ખીણ ઈદની ઉજવણી કરતો હતો. ઈદ પર રાજયમાંથી હિંસાની કોઈ મોટી દ્યટના નોંધાઈ નથી, એમ અહેવાલોમાં જણાવાયું છે. લાલ ચોક કેટલાક દાયકાઓથી રાજકીય સભાઓનું સ્થાન રહ્યું છે, જેમાં વિવિધ રાષ્ટ્રીય અને કાશ્મીરી નેતાઓએ લોકોને ત્યાં સંબોધન કર્યું હતું.

પ્રોટોકોલ મુજબ, ગૃહ મંત્રીનો પ્રવાસ અંતિમ ક્ષણે બોર્ડર સિકયુરિટી ફોર્સ અને સેન્ટ્રલ ઔધોગિક સુરક્ષા દળ (સીઆઈએસએફ) સહિત સરકારના સંકલન એજન્સીઓ સાથે શેર કરવામાં આવ્યો છે. સુરક્ષા નિષ્ણાતો માને છે કે જો શાહ સ્વતંત્રતા દિવસ પર લાલ ચોકથી ત્રિરંગો ફરકાવે છે, તો તે પાકિસ્તાન અને દેશમાંથી નીકળેલા આતંકવાદી જૂથોને જોરદાર સંદેશ આપી શકે છે. દરમિયાન, શાહ લાલ ચોકથી રાષ્ટ્રધ્વજ લહેરાવનારા ભાજપના એકમાત્ર નેતા નહીં હોય. પાકિસ્તાન સ્થિત આતંકવાદી જૂથો દ્વારા ઉચ્ચસ્તરીય ધમકી હોવા છતાં તેમના માર્ગદર્શકો અને ભાજપના દિગ્ગજો, મુરલી મનોહર જોશી અને પાનીએમ નરેન્દ્ર મોદીએ ૧૯૯૨ માં લાલ ચોકથી ત્રિરંગો લહેરાવ્યો હતો. ભારતના પહેલા પ્રધાનમંત્રી જવાહરલાલ નહેરુએ પણ ૧૯૪૮ માં લાલ ચોકથી રાષ્ટ્રધ્વજ લહેરાવ્યો હતો.