Gujarati News

Gujarati News

News of Tuesday, 13th August 2019

ચંદ્રયાન-૨ ૨૦ ઓગસ્ટે ચંદ્રની પાસે પહોંચી જશે

પાંચમી સપ્ટેમ્બરે ઉતરાણ કરશે

નવી દિલ્હી, તા.૧૨ : ભારતના મહત્વકાંક્ષી ચંદ્રયાન-૨ ચંદ્રની કક્ષામાં ૨૦મી ઓગસ્ટના દિવસે પ્રવેશ કરી જશે. ત્યારબાદ ૭મી સપ્ટેમ્બરના દિવસે તે ચંદ્રની સપાટી ઉપર ઉતરાણ કરશે. આ અંગેની માહિતી આજે ભારતની અંતરિક્ષ સંસ્થા ઇસરોના વડા ડોક્ટર કે સિવાન દ્વારા આપવામાં આવી હતી. મિડિયા સાથે વાતચીત કરતા તેમણે કહ્યું હતું કે, ચંદ્રયાન આગામી બે દિવસમાં જમીનની કક્ષાથી છોડીને આગળ વધી જશે. સિવાન વિક્રમ સારાભાઈની જન્મજ્યંતિના અવસરે અહીં એક કાર્યક્રમમાં ભાગ લેવા માટે પહોંચ્યા હતા. વિક્રમ સારાભાઈને ભારતીય સ્પેસ કાર્યક્રમના જનક તરીકે ગણવામાં આવે છે.

સિવાને ચંદ્રયાનની ગતિવિધિ અંગે માહિતી આપતા કહ્યું હતું કે, ચંદ્રયાન-૨ને ૨૨મી જુલાઈના દિવસે લોંચ કરવામાં આવ્યા બાદ તે જમીનની આસપાસ ચક્કર લગાવે છે. બુધવારના દિવસે સવારે એક ખાસ મુવમેન્ટ કરનાર છે. ૧૪મી ઓગસ્ટના દિવસે સવારે ૩.૩૦ વાગે અમે ટ્રાન્સલુનર ઇન્જક્શન નામનું મુવમેન્ટ કરીશું. એ દિવસે ચંદ્રયાન-૨ ધરતીને છોડીને ચંદ્ર તરફ વધી જશે. ૨૦મી ઓગસ્ટના દિવસે અમે ચંદ્રની નજીક પહોંચીશું. ૭મી સપ્ટેમ્બરના દિવસે ચંદ્રયાન ચંદ્રના દક્ષિણી ધ્રુવ પર ઉતરાણ કરશે. તમામ સિસ્ટમ હાલમાં યોગ્યરીતે કામ કરી રહ્યા છે.

(8:33 am IST)
  • નેપાળના રસ્તે ઘુષણખોરી કરનાર વિદેશી મહિલાની ધરપકડ ;બિહારના પૂર્વી ચંપારણ જિલ્લાના રકસોલ ક્ષેત્રમાં નેપાળના રસ્તેથી ભારતમાં ઘુસવા પ્રયાસ કરતી મહિલાને સુરક્ષા એજન્સીઓએ ઝડપી લીધી :મહિલા પાસે પૂરતા દસ્તાવેજ નથી access_time 1:09 am IST

  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST

  • કાશ્મીર મુદ્દે પાકિસ્તાનની વધુ એક ચાલ : ટીવી ચેનલો પર વિશેષ કાર્યક્રમોનું પ્રસારણ નહીં થાય : પાકિસ્તાની ચેનલો પર પ્રસારિત થતા ઇદના વિશેષ કાર્યક્રમો પર પણ પ્રતિબંધ મૂકયો access_time 3:57 pm IST