Gujarati News

Gujarati News

News of Thursday, 16th May 2019

યુ.કે.સ્થિત ભારતીય મૂળની મહિલા મિત્તલના હત્યારા પતિ લોરેન્સને ઉમરકેદ : ચાકુ તૂટી ગયું ત્યાં સુધી ઉપરાછાપરી 59 ઘા માર્યા

લંડન : યુ.કે.સ્થિત ભારતીય મૂળની મહિલા મિત્તલના હત્યારા પતિ લોરેન્સને બ્રિટિશ કોર્ટએ ઉમરકેદની સજા ફરમાવી છે. આરોપી લોરેન્સ બ્રાન્ડે ગત વર્ષે ક્રિસમસના દિવસે ઝગડાં બાદ ઘટનાને અંજામ આપ્યો હતો, તેણે પત્ની એન્જલા મિત્તલ (41)ની હત્યા કરવા માટે બે ચાકૂનો ઉપયોગ કર્યો હતો.  હત્યા સમયે જ્યારે એક  ચાકૂ તૂટી ગયું તો તે  કિચનમાં જઇને બીજુ ચાકૂ લઇ આવ્યો હતો . તેણે  ઉપરાછાપરી 59 ઘા માર્યા પછી પણ મિત્તલ જીવિત હોવા છતાં તેણે એમ્બ્યુલન્સ બોલાવવાને બદલે પોલીસને ફોન કર્યો હતો.તેના આ જઘન્ય અપરાધને ધ્યાને લઇ કોર્ટએ ઉપરોક્ત સજા ફરમાવી હોવાનું સમાચાર સૂત્રો દ્વારા જાણવા મળે છે.

(6:42 pm IST)
  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • ગુજરાતના તમામ જિલ્લા-શહેરમાં વોન્ટેડ બુટલેગરનો કબ્જો વડોદરા પોલીસ ટ્રાન્સફર વોરંટ આધારે મેળવશે : રાજસ્થાન અને મધ્ય પ્રદેશને બેઈઝ બનાવી ગુજરાતભરમાં રાજકોટ સહિત વિવિધ શહેર-જિલ્લામાં દારૂ સપ્લાય કરવાના ગુન્હામાં વોન્ટેડ એવા વિજુ સિંધીનો કબ્જો રાજસ્થાનથી મેળવવા પોલીસ કમિશ્નર અનુપમસિંહ ગેહલોતે કાર્યવાહી શરૂ કરાવી હોવાનું બહાર આવ્યુ છે. વિજુ સિંધી આમ તો દોઢ વર્ષથી વડોદરામાં ફરકયો નથી access_time 3:22 pm IST