Gujarati News

Gujarati News

News of Wednesday, 15th May 2019

મોન્સેન્ટો કંપનીને રૂ. ૧૪૫૦૦ કરોડનો દંડ

બીટી કોટન અને રીંગણને લઇને પણ કંપની સામે ઉઠયા છે સવાલ : પ્રોડકટથી કેન્સર થવાના મામલે કંપની હારી : ગુજરાતમાં ૩૦થી વધુ દવા વેંચી રહી છે મોન્સેન્ટો ૪૦થી વધુ પાક માટે બિયારણ પણ મોન્સેન્ટો બનાવે છે

નવી દિલ્હી તા. ૧૫ : અમેરિકાની ટોચની મોન્સેન્ટો કંપનીને ૧૪૫ અબજ રૂપિયાનો દંડ ફટકારવાનો આદેશ આપ્યો છે. કેલીફોર્નિયાની અદાલતે આ દંડ ફટકાર્યો છે. કંપનીના નિંદામણથી કેન્સર થતું હોવાનું ખુલ્યું છે. કંપનીએ આ વાત છુપાવી હતી.

મોન્સાન્ટોની જંગલી ઘાસનો નિકાલ કરવા માટે અનેક દેશોમાં ઉપયોગમાં લેવાતી પ્રોડકટ રાઉન્ડઅપ ઘણા વર્ષોથી વિવાદમાં છે અને ઘણા ગ્રાહકોએ તેનાથી કેન્સર થતું હોવાના આરોપ લગાવીને કેસ પણ કર્યા છે. કેટલાક કેસમાં કંપનીની વિરૂદ્ઘમાં ચુકાદા આવ્યા છે. સોમવારે કેલિફોર્નિયાની કોર્ટે આવા એક ચૂકાદામાં એક દંપતીને ૨.૦૫૫ અબજ ડોલર (લગભગ રૂ. ૧૪,૦૦૦ કરોડ) ચૂકવવા કંપનીને આદેશ આપ્યો હતો.

આ પ્રોડકટનું ઉત્પાદન કરતી મોન્સાન્ટો એગ્રીકેમિકલ કંપની ભારપૂર્વક જણાવતી આવી છે કે, તેની ગ્લાયફોસેટ-આધારિત આ પ્રોડકટથી કેન્સર થતું નથી. જર્મનીની અગ્રણી કંપની બેયર AGએ ગયા વર્ષે ૬૩ અબજ ડોલર ચૂકવીને મોન્સાન્ટોને ખરીદી હતી.

પતિ-પત્ની આલ્વા અને અલ્બર્ટા પિલિયોડે કંપનીના રાઉન્ડઅપ કેમિકલને કારણે કેન્સર થયું હોવાનો કેસ કર્યો હતો. આ કપલના વકીલોએ ચુકાદાને ઐતિહાસિક ગણાવ્યો હતો અને જણાવ્યું હતું કે, 'કોર્ટે કરેલી તપાસમાં એવું નોંધ્યું હતું કે, કંપનીના ઈન્ટર્નલ ડોકયુમેન્ટ્સને જોતાં લાગતું જ નથી કે કંપનીને આ પ્રોડકટ સલામત છે કે નહીં તે શોધવામાં રસ હોય. કંપનીએ નક્કર સાયન્સ પાછળ રોકાણ કરવાને સ્થાને તેના વિરોધમાં જંગી રોકાણ કર્યું હતું.' બેયરે જણાવ્યું હતું કે, તે જયુરીના નિર્ણયથી નારાજ છે અને તે ચુકાદાને પડકારશે. બેયરે ગયા મહિને જાહેર કર્યું હતું કે, અમેરિકામાં રાઉન્ડઅપ પ્રોડકટ સામે ૧૩,૦૦૦ કેસ થયા હતા.

તાજેતરના મહિનામાં મોન્સાન્ટો સામે આ ત્રીજો સૌથી મોટો ચુકાદો છે. અગાઉ તે કેલિફોર્નિયાની સ્કૂલના માળીએ કેસ કર્યો હતો, જેમાં કંપનીને કરોડો ડોલર ચૂકવવાનો આદેશ થયો હતો અને બાદમાં અમેરિકાના એક નિવૃત્ત નાગરિકે કરેલા કેસમાં કંપનીને ૮ કરોડ ડોલર (લગભગ રૂ. ૫૫૫ કરોડ) ચૂકવવાનો આદેશ થયો હતો.

(3:56 pm IST)
  • ચૂંટણી પંચની આકરી કાર્યવાહી બાદ મમતા બેનર્જી ધુંવાફુંવા :કહ્યું પીએમ નરેન્દ્રભાઈ મોદીને હટાવો;દેશ બહાર કાઢી મુકો :કોલકતામાં થયેલી હિંસાના વિરોધમાં પદયાત્રા કર્યા બાદ મમતાએ કહ્યું કે મોદીએ મારા બંગાળ અને બંગાળીયતનું અપમાન કર્યું :મમતાએ એવો પણ આરોપ લગાવ્યો કે અમિતભાઇ શાહના રોડ શોમાં 15 થી 20 કરોડનો ખર્ચ થયો access_time 1:18 am IST

  • કોલકતામાં ભાજપના અધ્યક્ષ અમિત શાહના રોડ શોમાં પક્ષના કેટલાક કાર્યકરોએ હનુમાનજીનું રૂપ ધારણ કરી સૌનું ધ્યાન ખેંચ્યું હતું. access_time 11:14 am IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST