Gujarati News

Gujarati News

News of Wednesday, 15th May 2019

ટીએમસીના લોકો દ્વારા તોડફોડ, હુમલા કરાયા

અમિત શાહનો સીધો આક્ષેપ

કોલકાતા, તા. ૧૪ : ભારતીય જનતા પાર્ટીના રાષ્ટ્રીય અધ્યક્ષ અમિત શાહ આજે બંગાળમાં સાતમાં અને અંતિમ તબક્કાની ચૂંટણી પહેલા પ્રચાર માટે પહોંચ્યા હતા. અમિત શાહ આજે કોલકાતામાં રોડ શો યોજી રહ્યા હતા ત્યારે ભારે ધાંધલ ધમાલ અને હિંસા થઇ હતી. મોડેથી અમિત શાહે પ્રતિક્રિયા આપતા કહ્યું હતું કે, બંગાળના મુખ્યમંત્રી મમતા બેનર્જીની પાર્ટી ટીએમસીના લોકો દ્વારા આ હિંસા ફેલાવવામાં આવી હતી. તેમના કાર્યકરો પર હુમલા કરવામાં આવ્યા હતા. રોડ શો દરમિયાન ભાગદોડની ઘટના બને તેવા પ્રયાસ કરવામાં આવ્યા હતા પરંતુ પ્રતિકુળ સંજોગોમાં પણ ભાજપના કાર્યકરોએ હિંમતપૂર્વક રોડ શોમાં ભાગ લીધો હતો. અમિત શાહે કહ્યું હતું કે, રોડ શોમાં મોટી સંખ્યામાં લોકો પહોંચ્યા હતા. ચૂંટણી પંચે આ બાબતની નોંધ લેવી જોઇએ અને આગામી તબક્કાની ચૂંટણી દરમિયાન સંપૂર્ણ શાંતિ રહે તેવા પ્રયાસો કરવા જોઇએ.

 

(8:36 am IST)
  • અમેરિકના પ્રાંત અલબામામાં ગર્ભપાત પર લાગ્યો પ્રતિબંધ :આરોપી ડોક્ટરને મળશે 99 વર્ષની જેલસજા :અલબામાની સેનેટે ગર્ભપાત પર પ્રતિબંધવાળા વિધેયકને પસાર કર્યો ; વિધેયકની જોગવાઈ મુજબ ગર્ભપાત કરનાર ડોક્ટરને 99 વર્ષની જેલ થશે access_time 1:06 am IST

  • પાણી પુરવઠા મંત્રી કુંવરજીભાઇ બાવળીયા પાણીનો પ્રશ્ન નિવારવા રાજસ્થાન જશે : પાણીના પ્રશ્ને નિવારવા સરકારનો એકશન પ્લાનઃ રાજસ્થાનનું મોડલ ગુજરાતમાં અમલી બનાવવા વિચારણા access_time 1:15 pm IST

  • જમ્મુ કાશ્મીરના પૂંછ સેક્ટરમાં એલઓસી નજીક બ્લાસ્ટ ;એક આર્મી જવાન ઘાયલ access_time 1:22 am IST