માલદીવમાં નવેમ્બરથી અંડર વોટર વિલાનો પ્રારંભઃ પ્રવાસીઓને મળશે આકર્ષક ફરવાલાયક સ્થળ

News of Thursday, 11th October 2018

માલદીવમાં નવેમ્બરથી અંડર વોટર વિલાનો પ્રારંભઃ પ્રવાસીઓને મળશે આકર્ષક ફરવાલાયક સ્થળ

વેકેશન પર જવા માટે માલદીવ આજકાલ લોકોને ફેવરિટ જગ્યાઓમાંથી એક છે. માલદીવ લક્ઝુરિયસ હોટલ્સ અને મોંઘા રિસોર્ટ્સ માટે પણ જાણીતું છે. જો તમને પણ લગ્ઝરી રિસોર્ટ્સ પસંદ હોય તો માલદીવ તમને થોડા જ દિવસોમાં એક શાનદાર ગિફ્ટ આપવાનું છે. માલદીવમાં દુનિયાની પ્રથમ અંડરવૉટર વિલા શરૂ થવા જઈ રહી છે. આવતા મહિનાથી એટલે કે નવેમ્બરથી માલદીવમાં અંડરવૉટર વિલા શરૂ થઈ જશે. બે માળની વિલા આ હૉટલ શરૂ થવાની ખબરથી ટુરિઝમ ક્ષેત્રે ખળભળાટ મચી ગયો છે. ખાસ કરીને, જે લોકોને પાણી અને અંડરવૉટર એડવેન્ચર્સ પસંદ હોય તેના માટે આ એકદમ એક્સાઈટિંગ છે. આ વિલા બે માળની છે. વિલાનો એક માળ પાણીની ઉપર છે અને બીજો પાણીની અંદર. પાણીની અંદર એક મોટો બેડરૂમ, વોશરૂમ અને લિવિંગ રૂમ છે. 37.13 લાખ રૂપિયા એક રાતનું ભાડું વિલાનો ઉપરનો માળ પણ એકદમ લગ્ઝુરિયસ હશે. અહીં કિચન, બાર, જિમ સિવાય અન્ય ઘણી સુવિધાઓ હશે. અહીં માલદીવનો સુંદર સનસેટ જોવા માટે ડેક પણ છે. તમારી મદદ માટે અહીં 24 કલાક સ્ટાફ હાજર રહેશે. અહીં એક રાત રોકાવાનું ભાડું 50 હજાર ડોલર એટલે કે લગભગ 37.13 લાખ રૂપિયા છે.