Gujarati News

લંડન તા. ૧૧ : બ્રિટનમાં હાઈકોર્ટ તરફથી એનફોર્સમેન્ટ ઓફિસરોને ભાગેડુ વિજય માલ્યાની ઈંગ્લેન્ડ અને વેલ્સની ૧૦,૪૯૯ કરોડની સંપત્તિ જપ્ત કરવાની મંજૂરી આપ્યા ભારતીય બેંકો અને એજન્સીઓએ રાહતનો શ્વાસ લીધો હતો. જોકે, આ બાબતે હજુ અનિશ્ચિતતા છે કે ત્યાં માલ્યાની કેટલી સંપત્તિ છે.

હાઈકોર્ટના ૮મેના આદેશ બાદ બ્રિટન એનફોર્સમેન્ટ ઓફિસરો દ્વારા માલ્યાની સંપત્તિને જપ્ત કરવાનો રસ્તો સાફ થઈ ગયો હતો, જેના દ્વારા ૧૩ ભારતીય બેંકોનું દેવું વસુલ કરી શકાય. જોકે, માલ્યાએ પાછલા અઠવાડિયેએ કહ્યું હતું કે તેમની પાસે કેટલીટ કારો અને ઝવેરાત સિવાય બ્રિટનમાં કશું ખાસ સંપત્તિ નથી. માલ્યાએ એમ પણ કહ્યું કે ટેવિન એસ્ટેટ પર તેમના બાળકો માલિકી તરીકેનો હક છે અને લંડનમાં સ્થિત તેમનું ઘર તેમની માતાના નામે છે.

૨૧ એપ્રિલ ૨૦૧૬એ માલ્યાએ ભારતની સુપ્રીમ કોર્ટમાં પોતાની વિદેશી સંપત્તિ વિશે સોગંદનામું દાખલ કરીને જણાવ્યું હતું કે તેમની પાસે વિદેશમાં ૧૧.૪ કરોડ ડોલર એટલે કે ૭૮૨ કરોડ રૂપિયાની સંપત્તિ છે. આ સંપત્તિ રોકડમાં નથી પણ ૫.૨૫ મિલિયન ડોલર એટલે કે ૩૬ કરોડ રૂપિયાના 'ઈન્વેસ્ટમેન્ટ એન્ડ કેશ ઈકિવવેલેન્ટ'નો સમાવેશ થાય છે. જોકે, સોગંદનામામાં તેની અમેરિકામાં રહેતી પત્ની રેખા અને બાળકોની સંપત્તિનો સમાવેશ નહોતો. માલ્યાએ ફેબ્રુઆરી ૨૦૧૬માં ડિયાજિઓથી મળેલી ૪૦ મિલિયન ડોલર લગભગ (૨૭૫ કરોડ રૂપિયા) પોતાની પત્ની રેખાને ટ્રાન્સફર કર્યા હતા.

એપ્રિલમાં બેંકોએ હાઈકોર્ટને જણાવ્યું હતું કે માલ્યાએ ડિસેમ્બર ૨૦૧૭ના સોગંદનામામાં જણાવ્યું હતું કે તે ઈંગ્લેન્ડની જે ૩ પ્રોપર્ટીઝમાં રહે છે, તેના પર તેનો માલિકીનો હક નથી. માલ્યાના બ્રિટનમાં રહેલા ત્રણ ઘરો કંપનીઓ દ્વારા ફેમિલી ટ્રસ્ટ સાથે જોડાયેલા છે. લંડન સ્થિત આલિશાન ઘર ૧૮/૧૯ કોર્નવોલ ટેરેસની કિંમત લગભગ એક કરોડ પાઉન્ડથી વધુ છે. જેના પર બ્રિટિશ વર્જિન આઈલેન્ટ્સની કંપનીનો માલિકીનો હક છે. આરસીવી પર ગ્લેડકો પ્રોપર્ટિઝ ઈંકનું કહેવું છે અને ગ્લેડકો પ્રોપર્ટીઝ ઈંકની માલિકી કોન્ટિનેન્ટલ એડમિનિસ્ટ્રેશન સર્વિસિઝ લિમિટેડ નામની કંપની છે, જે માલ્યાની ફેમિલી ટ્રસ્ટ સિલેટા ટ્રસ્ટની ટ્રસ્ટી છે.

માલ્યાના ટેવિન, લેડીવોક અને બ્રેમ્બલ લોજ, જેની અનુમાનિત કિંમત ૧.૫ કરોડ રૂપિયા છે, જે તેના ફેમિલી ટ્રસ્ટ સાથે જોડાયેલી છે. પાછલા અઠવાડિયે હાઈકોર્ટે એનફોર્સમેન્ટ અધિકારીઓને માલ્યાના ટેવિન એસ્ટેટમાં ઘૂસીને તપાસ કરવાની અને સામાનને જપ્ત કરવાની મંજૂરી આપી હતી. જોકે તેમની અન્ય સંપત્ત્િ।ના મામલે આવો કોઈ આદેશ જારી કરવામાં આવ્યો નથી. અહીં ધ્યાન આપવા જેવી બાબત એ છે કે, હાઈકોર્ટે બ્રિટન સ્થિત કોઈ પણ ઘરનો કબજો લેવાની મંજૂરી નથી આપી. માત્ર ઘરોમાં રહેલા માલ્યાની સાથે જોડાયેલા સામાનને જપ્ત કરવાની મંજૂરી આપી છે, કારણ કે તેમનું ઘર તેમના નામે રજિસ્ટર્ડ નથી.આ મામલે બેંકોએ હાઈકોર્ટને જણાવ્યું છે કે, માલ્યા પાસે ઈંગ્લેન્ડમાં જે સંપત્ત્િ। છે, તેમાં મોંઘી કારોનો પણ સમાવેશ થાય છે. બેંકોના જણાવ્યા પ્રમાણે માલ્યા દર મહિને ૧૪ લાખ રૂપિયા કારના મેન્ટેનન્સ પાછળ ખર્ચે છે. બેંકોએ હાઈકોર્ટને જણાવ્યું કે, 'આ સિવાય પણ માલ્યા સાથે જોડાયેલી સંપત્તિઓ છે જેનો તેઓ પોતાની પાસે હોવાનો ઈનકાર કરે છે. જેમાં ૩ યાટ, ઘણી કારો અને દક્ષિણ આફ્રીકામાં માબુલા ગેમ રિઝર્વનો સમાવેશ થાય છે. જેમાં રજિસ્ટર્ડ ઓનર કે પછી ઓફશોર કંપની છે કે ટ્રસ્ટ છે.' બેંકોના જણાવ્યા પ્રમાણે માલ્યાની સંપત્તિઓનો મોટો ભાગ લિસ્ટેડ અને અનલિસ્ટેડ કંપનીઓના શેરના રૂપમાં છે.