Gujarati News

Gujarati News

News of Monday, 4th June 2018

પોતાની નકલ કરતા પ્રોફેસરને જોઇને ગોવિંદા પણ થયો ખુશ

મુંબઇ તા. ૪ :..  છેલ્લા કેટલાક દિવસથી સોશ્યલ મીડિયા પર ગોવિંદાની સ્ટાઇલમાં ડાન્સ કરતા અંકલનો વિડીયો જબરદસ્ત વાઇરલ થઇ રહ્યો છે અને ગણતરીના દિવસોમાં લાખો વાર શેર થઇને ઇન્ટરનેટ સેન્સેશન બની ગયો. વિડીયોમાં અફલાતૂન ડાન્સ કરી રહેલા આ અંકલનું નામ છે. સંજીવ શ્રીવાસ્તવ. તેઓ ભોપાલની ભાભા એન્જિનીયરીંગ રિસર્ચ ઇન્સ્ટિટયુટમાં ઇલેકટ્રોનિકસના પ્રોફેસર છે. ગ્વાલીયરમાં પોતાના સાળાના લગ્નપ્રસંગે સંગીત સંધ્યા દરમ્યાન સંજીવે પોતાના ડાન્સનો જલવો દેખાડયો હતો. સૌથી પહેલાં 'કૂલી નંબર ૧' ફિલ્મનું 'હુરન હૈ સુહાના...' સોન્ગ પર કરેલો ડાન્સ વાઇરલ થયો. એ પછી બીજા બે ડાન્સ-વિડીયો આવ્યા અને એ પણ છવાઇ ગયા. આ વિડીયો ફરતો - ફરતો ગોવિંદા પાસે પણ ગયો. એ વખતે ગોવિંદા લંડનમાં હતો. વિડીયો જોઇને તેણે કહ્યું હતું કે 'મુંબઇના એક ફ્રેન્ડે મને આ વિડીયો મોકલાવ્યા હતાં. મેં સુનીતાને પણ બતાવ્યો. તેમની ખાસિયત એ છે કે તેઓ પોતે કોઇ ખાસ ડાન્સ-મૂવ્સ કરી રહ્યા હોય એવી સભાનતાથી નથી કરતાં. તેઓ મારી સારી કોપી કરે છે. જયારે કોઇ તમારી કોપી કરે ત્યારે બહુ સારું લાગે.'

(4:06 pm IST)
  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST

  • અમરેલી :સરકારે ખરીદેલ ટેકાના ભાવની તુવેરની ચોરી :સાવરકુંડલાના બાઢડાના ગોડાઉનમાંથી અઢી લાખની તુવેરની ચોરી થઈ :ગોડાઉનના શટરના તાળા તોડીને તસ્કરો 90 ગુણી તુવેર ચોરી ગયા access_time 12:48 am IST

  • પેટ્રોલમાં કીટરે 14 પૈસા અને ડીઝલમાં 12 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,18 રૂપિયા અને ડીઝલનો ભાવ લિટરે 74,08 રૂપિયા થશે :રાજ્ય પ્રમાણે કરવેરા અલગ થશે:છેલ્લા ચાર દિવસથી થતા ઘટાડામાં આ સૌથી વધુ ઘટાડો છે access_time 2:18 am IST