Gujarati News

Gujarati News

News of Monday, 4th June 2018

તા. ૬ થી ૮ સુધીમાં મહારાષ્‍ટ્ર-ગોવામાં ચોમાસુ ચોક્કસ બેસી જશે

દક્ષિણ ગુજરાત અને દક્ષિણ સૌરાષ્‍ટ્રમાં પ્રિમોન્‍સૂન એકટીવીટી ચાલુ રહેશે : રાજકોટમાં ૭ જૂને પ્રિમોન્‍સૂન વરસાદની સંભાવનાઃ હવામાન ખાતાની આગાહી : બુધ-ગુરૂ-શુક્ર, મુંબઈમાં ભારે વરસાદની આગાહી

રાજકોટ, તા. ૪ : ગઈકાલે અમરેલી જિલ્લામાં મેઘરાજા મન મૂકીને ખાબક્‍યા હતા. સુરતમાં પણ પ્રિમોન્‍સૂન વરસ્‍યો હતો. તા.૪ થી ૮ સૌરાષ્‍ટ્ર અને દક્ષિણ ગુજરાતમાં વરસાદી ઝાપટા પડવાની સંભાવના હવામાન વિભાગે વ્‍યકત કરી છે. ખાસ કરીને દક્ષિણ સૌરાષ્‍ટ્રમાં વધુ સંભાવના છે.

હવામાન વિભાગે કહ્યું છે કે તા.૬ થી ૮ જૂન દરમિયાન મહારાષ્‍ટ્ર અને ગોવામાં ચોમાસુ ચોક્કસ બેસી જશે. આ દિવસોમાં મુંબઈમાં ભારે વરસાદ પડશે. હવામાન ખાતાની એક ખાનગી સંસ્‍થાએ ભારેથી અતિભારે વરસાદની આગાહી કરી છે અને લોકોને કામ વગર ઘરની બહાર ન નીકળવા પણ અપીલ કરી છે.

દરમિયાન ગઈકાલે અમરેલી અને સૌરાષ્‍ટ્રમાં પ્રિમોન્‍સૂન એકટીવીટીનો વરસાદ પડયો હતો. આજથી ચાર દિવસ સૌરાષ્‍ટ્ર અને દક્ષિણ ગુજરાતમાં વરસાદી ઝાપટા ચાલુ રહેશે. રાજકોટમાં ૭મીના ગુરૂવારે પ્રિમોન્‍સૂન વરસાદની સંભાવના છે. આજે સવારે પણ વાદળો છવાયા હતા. ગરમીમાં આંશિક ઘટાડો થયો છે પણ અસહ્ય ઉકળાટ બફારાનો અનુભવ થઈ રહ્યો છે. હવામાન વિભાગે કહ્યું છે કે ભેજનું પ્રમાણ હજુ વધશે જેથી ઉકળાટ બફારાનો અનુભવ થશે. જયારે વેસ્‍ટ કોસ્‍ટ એટે કે કન્‍યાકુમારીથી વેરાવળના દરિયાઈ પટ્ટાના વિસ્‍તારમાં પ્રિમોન્‍સૂન એકટીવીટીનો વરસાદ વધુ પડશે.

જયારે અમદાવાદીઓને હજુ ચાર - પાંચ દિવસ બફારો અને ગરમી સહન કરવી પડશે. ૯ જૂન બાદ વરસાદી ઝાપટાની સંભાવના છે.

 

(11:38 am IST)
  • મુંબઈમાં મુશળધાર વરસાદ :બદલાપૂર,ડોમ્બિવલી,વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST

  • સચિનના સૌથી મોટા ફેનને ધોનીએ લંચ માટે આપ્યુ આમંત્રણ : ભારતીય ક્રિકેટર મહેન્દ્રસિંહ ધોનીએ સચિનના સૌથી મોટા ફેન સુધીરને પોતાના ઘરે લંચ પર બોલાવ્યો હતો. સુધીરે લંચ બાદ પોતાની આ મુલાકાતના ફોટો ટ્વિટર પર શેર કર્યો હતો તેમજ ઈમોશનલ મેસેજ પણ લખ્યો ‘સ્પેશિયલ દિવસ કેપ્ટન કૂલ ધોની સાથે. તેણે કેપ્શનમામ લખ્ય કે, ફાર્મ હાઉસમાં પરિવાર ધોનીના પરિવાર સાથે જે સુપર લંચ લીધુ તેને હું શબ્દોમાં નહિ વર્ણવી શકુ. access_time 8:47 pm IST

  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST