Gujarati News

Gujarati News

News of Monday, 4th June 2018

પુરીના પ્રસિધ્ધ જગન્નાથ મંદિરના રહસ્યમયી ખજાનાની ચાવી ગાયબ

પુરીના પ્રસિધ્ધ જગન્નાથ મંદિરના રહસ્યમયી ખજાનાની ચાવી ગાયબ થઈ ગઈ છે. જેને લઈ શંકરાચાર્ય અને રાજ્યના વિપક્ષ દળ બીજેપીએ આ ઘટના પર વિરોધ વ્યક્ત કર્યો છે. પુરીના શંકરાચાર્ય સ્વામી નિશ્ચલાનંદ સરસ્વતીએ ઓરિસ્સા સરકારની ભારે નિંદા કરી છે. જ્યારે બીજી બાજુ બીજેપીએ મુખ્યમંત્રી નવીન પટનાયકને આ ઘટના વિશે સ્પષ્ટિકરણ આપવા માંગ કરી છે.

 શ્રી જગન્નાથ મંદિર મેનેજમેન્ટ કમિટીના સભ્ય રામચંદ્રદાસ મહાપાત્રએ જણાવ્યું કે કમિટીની ૪ એપ્રિલે બેઠક થઇ હતી તેમાં એ વાત જણાવાઇ હતી કે રત્નભંડારના અંદરના કક્ષની ચાવી ગાયબ થઇ ગઇ છે.

 ઓડિશાના ઉચ્ચ ન્યાયાલયના આદેશ બાદ રત્નભંડાર કક્ષમાં ૪ એપ્રિલે સખત સુરક્ષાની વચ્ચે ૧૪ સભ્યની એક ટીમે ૩૪ વર્ષ બાદ તપાસ માટે પ્રવેશ કર્યો હતો. શ્રી જગન્નાથ મંદિર મેનેજમેન્ટ કમિટીના એક અધિકારીએ જણાવ્યુું કે તપાસ ટીમના સભ્યોને અંદરના રૂમમાં પ્રવેશ કરવાની જરૂર નહોતી, કેમ કે તે બહારથી એક લોખંડની ગ્રીલમાંથી જોઇ શકાય છે.

(10:43 am IST)
  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST