Gujarati News

Gujarati News

News of Tuesday, 17th April 2018

મને ૧૫ મિનિટ બોલવા દેવામાં આવે તો સંસદમાં ઉભા નહિ રહિ શકે વડાપ્રધાન મોદીઃ રાહુલ ગાંધી

રાહુલનું તડ ને ફડઃ નીરવ મોદી અને મેહુલ ચોકસી માટે 'અચ્છે દિન' આવ્યાઃ ખેડૂતો - મજુરો માટે નહિ

નવી દિલ્હી તા. ૧૭ : દેશમાં એક વાર ફરી રોકડનું સંકટ છે, એટીએમ અને બેંકોની બહાર ફરી લાંબી - લાંબી કતારો જોવા મળી રહી છે. સરકાર અને આરબીઆઇ અચાનક આવેલા આ સંકટથી અવાચક છે ત્યારે કોંગ્રેસ અધ્યક્ષ રાહુલ ગાંધીએ આ મુદ્દા પર વડાપ્રધાન નરેન્દ્રભાઇ મોદી પર નિશાન સાધ્યું છે.

અમેઠીની મુલાકાત દરમિયાન રાહુલ ગાંધીએ કહ્યું કે, વડાપ્રધાને 'અચ્છે દિન'ના વાયદા કર્યા હતા પરંતુ દેશ એકવાર ફરી લાઇનમાં ઉભો છે. શું આ જ અચ્છે દિનના વાયદા કરવામાં આવ્યા હતા. રાહુલે કહ્યું કે, અમને સંસદમાં બોલવા દેવામાં આવતા નથી. શું આ જ અચ્છે દિનની વાત કરવામાં આવી રહી હતી. રાહુલે કહ્યું કે, અમને સંસદમાં બોલવા દેતા નથી, જો હું ૧૫ મિનિટ સંસદમાં ભાષણ આપુ તો વડાપ્રધાન અમારી સામે ઉભા નહિ રહિ શકો.

રાહુલે કહ્યું કે, અચ્છે દિન ફકત નિરવ મોદી અને મેહુલ ચોકસી માટે આવ્યા છે. ખેડૂતો અને મજુરો માટે ફકત બુરે દિન જ આવ્યા છે. રાહુલે કહ્યું કે, નિરવ મોદી લોકોના પૈસા લઇને ફરાર થઇ ગયો. વડાપ્રધાને ગરીબોના ૫૦૦ - ૧૦૦૦ની નોટ લઇને નીરવ મોદીને આપી પરંતુ તેઓએ એક શબ્દ પણ કહ્યો નથી.

ઉલ્લેખનીય છે કે, દેશના કેટલાક રાજ્યોમાં છેલ્લા કેટલાક દિવસથી નાણાની અછતના લીધે ફરી નોટબંધી જેવી સમસ્યા ઉભી થઇ છે. લોકોની વધતી જતી મુશ્કેલીને જોઇને અંતે રિઝર્વ બેંક અને સરકારને આગળ આવવું પડયું.(૨૧.૨૪)

 

(3:54 pm IST)
  • પાકિસ્તાનમાં સુપ્રિમના જજ પર ફાયરિંગ નવાઝ શરીફને ચૂંટણી લડવા પર પ્રતિબંધ મૂકનાર જજ ઈજાજુલ અહસન પર સતત હુમલાઃ ઘર પર હુમલો કર્યા બાદ સવારે જજ પર ગોળીબારો થયાઃ જજ બચી ગયાના સમાચાર મળે છે access_time 11:30 am IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • સાઉદી અરબમાં હિલચાલઃ ૨૪ મુસ્લિમ રાષ્ટ્રો સાથે યુદ્ધ અભ્યાસઃ ખ્રિસ્તી રાષ્ટ્રોના હુમલા ખાળવા ઈસ્લામિક રાષ્ટ્રો એક બની રહ્યા છે...: દુનિયા ખતરનાક દિશામાં જઈ રહી છેઃ અમેરિકા-બ્રિટન જેવા ખ્રિસ્તી રાષ્ટ્રોના હુમલાના પ્રતિકાર માટે ઈસ્લામિક રાષ્ટ્રોની તૈયારીઃ સાઉદી અરબે પાકિસ્તાને અલગ રાખ્યું access_time 11:32 am IST