Gujarati News

Gujarati News

News of Tuesday, 17th April 2018

ચંદા કોચર વિવાદનો લાભ લઇને આઇસીઆઇસીઆઇ મ્‍યુચ્‍યુઅલ ફંડમાં ડિસ્‍કાઉન્‍ટઃ રોકાણકારોને ઇન્‍વેસ્‍ટમેન્‍ટની તક મળી

મુંબઇઃ આઇસીઆઇસીઆઇ બેંકના ચંદા કોચર વિવાદનો લાભ લઈ અગ્રણી મ્યુચ્યુઅલ ફંડ્સે માર્ચ મહિનામાં નીચા મથાળે ICICI બેન્કના શેર ખરીદ્યા છે. વેચવાલી છતાં ICICI બેન્કના શેરની ખરીદી સૂચવે છે કે, રોકાણકારો શેરના ભાવિ અંગે ખાસ ચિંતિત નથી. ‌ફંડ્સે માર્ચ મહિનામાં બેન્કના 4.2 કરોડ શેર ખરીદ્યા હતા. ETIG દ્વારા સંકલિત ડેટા પ્રમાણે ICICI પ્રુડેન્શિયલ AMC ICICI બેન્કના 80.8 લાખ શેરની ખરીદી કરી છે.

ICICI બેન્કના શેર ખરીદનારા અન્ય સંસ્થાકીય રોકાણકારોમાં HDFC AMC, રિલાયન્સ નિપોન AMC, આદિત્ય બિરલા સન લાઇફ AMC અને SBI ફંડ્સ મેનેજમેન્ટનો સમાવેશ થાય છે. ડિસેમ્બરના અંતે ICICI બેન્કના શેરમાં મ્યુ ફંડ્સનો હિસ્સો 22.7 ટકા હતો. સ્થાનિક ફંડ હાઉસના એક ફંડ મેનેજરે જણાવ્યું હતું કે, નીચું વેલ્યુએશન સારી બાબત છે.

ICICI બેન્કનો શેર 1.82ની પ્રાઇસ-ટુ-બુક વેલ્યૂ પર ટ્રેડ થઈ રહ્યો છે. જેની તુલનામાં એક્સિસ બેન્ક, કોટક મહિન્દ્રા બેન્ક અને HDFC બેન્કના શેર 2.14-5.45ની પ્રાઇસ-ટુ-બુક રેન્જમાં ટ્રેડ થઈ રહ્યા છે. ICICI બેન્કનો શેર માર્ચમાં 11 ટકા ઘટ્યો હતો અને એપ્રિલમાં 3.5 ટકા વધ્યો છે. જોકે, કેલેન્ડર વર્ષ 2018ના 365.65ના ઊંચા ભાવથી 21 ટકા દૂર છે. શુક્રવારે ICICI બેન્કનો શેર 288.20ના મથાળે બંધ રહ્યો હતો.

ઉલ્લેખનીય છે કે, લોન વિવાદની ICICI સિક્યોરિટીઝના IPO પર અસર થઈ હતી. નિષ્ણાતોના જણાવ્યા અનુસાર બજાર વિડિયોકોનની લોનના વિવાદને અવગણી શેરમાં રોકાણ કરી રહ્યું છે. મેક્વેરીના રિસર્ચ હેડ (ફાઇનાન્શિયલ સર્વિસિસ) સુરેશ ગણપતિએ જણાવ્યું હતું કે, વેલ્યુએશન આકર્ષક છે અને CEO વિવાદને કારણે રોકાણકારોને શેરમાં ઇન્વેસ્ટમેન્ટની તક મળી છે.

વિડિયોકોનની લોનની NPL તરીકે વર્ગીકૃત કરવામાં આવી છે. કોર્પોરેટ બેન્કોમાં શેર સૌથી આકર્ષક છે. તેમણે વધુમાં જણાવ્યું હતું કે, આગામી સમયમાં નફામાં ઘટાડો થશે અથવા વધુ ગેરરીતિ બહાર આવે તેવી શક્યતા હોય તો શેરની ખરીદી હિતાવહ નથી. અમારા મતે વિડિયોકોના કેસથી ફંડામેન્ટલ્સમાં કોઈ ફેરફાર થયો નથી. ગણપતિ શેર માટેઆઉટપરફોર્મરેટિંગ ધરાવે છે.

IIFLના એક્ઝિક્યુટિવ વાઇસ પ્રેસિડન્ટ (માર્કેટ્સ એન્ડ કોર્પોરેટ અફેર્સ) સંજીવ ભસિને જણાવ્યું હતું કે, શેરમાં ઘટાડો તેમાં રોકાણની તક આપે છે. ભૂરાજકીય તણાવને કારણે બજારમાં વોલેટિલિટી રોકાણકારોને 265-270ની રેન્જમાં શેર ખરીદવાની તક આપશે. ટૂંકા ગાળામાં વિડિયોકોનની લોનનો વિવાદ શેર માટે મોટું જોખમ છે. રેટિંગ એજન્સી ફિચના જણાવ્યા અનુસાર બેન્ક પર નાણાકીય દંડ અને કાનૂની કાર્યવાહીનું સંભવિત જોખમ છે. CBI અને અન્ય તપાસ એજન્સી સમગ્ર કેસની તપાસ કરી રહ્યા છે.

 

(7:10 pm IST)
  • પૂર્વ સાંસદોને અપાનાર પગાર, ભથ્થા અને પેન્સનની બંધારણીય જોગવાઇને પડકારતી રીટ પીટીશન સુપ્રિમ કોર્ટે આજે ફગાવી દીધી છે access_time 12:46 pm IST

  • પાકિસ્તાનમાં સુપ્રિમના જજ પર ફાયરિંગ નવાઝ શરીફને ચૂંટણી લડવા પર પ્રતિબંધ મૂકનાર જજ ઈજાજુલ અહસન પર સતત હુમલાઃ ઘર પર હુમલો કર્યા બાદ સવારે જજ પર ગોળીબારો થયાઃ જજ બચી ગયાના સમાચાર મળે છે access_time 11:30 am IST

  • અમેરિકા, બ્રિટન અને ફ્રાન્સે સીરિયા સામે લશ્કરી પગલાં લેતાં રશિયાના પ્રમુખ વ્લાદિમીર પુતિને પરિણામો ભોગવવા ચેતવણી આપી છે. શનિવારે થયેલા હવાઈ હુમલા સીરિયા પરનું આક્રમણ હોવાનું કહેતાં રશિયાએ જણાવ્યું હતું કે આ હુમલાને પગલે સીરિયામાં માનવીય મુશ્કેલીઓ વધશે અને આંતરરાષ્ટ્રીય સંબંધ શૃંખલામાં પણ વિધ્વંસક અસરો સર્જાશે. access_time 12:35 am IST