Gujarati News

નવી દિલ્હી :કોલસા ભરેલી માલગાડીના છ ડબ્બા એન્જીન વગર જ બે કિલોમિટર સુધી પાટા ઉપર દોડ્યા હતા રેલવેના અધિકારીએ જણાવ્યું હતું કે,શનિવારે મોડી રાત્રે ખાંટાપાડા અને ભાનગા વચ્ચે એ સમયે આ બનાવ બન્યો હતો જ્યારે ધમારાથી જમશેદપુર જઇ રહેલી માલગાડીના છ ડબ્બા બાકીની ટ્રેનથી અલગ કરવામાં આવી રહ્યા છે. આ એ જ છ ડબ્બા હતા જે એન્જીન વગર જ પાટા પર દોડવા લાગ્યા હતા.

  અધિકારીઓના જણાવ્યા પ્રમાણે ઘટના વિશે તરત જ જાણ થતાં રેલવે અધિકારીઓ તરત જ પગલાં ભર્યા હતા. જેના પગલે મોટી દુર્ઘટના ઘટના ટળી હતી. આ ઘટનામાં કોઇ ઘાયલ કે જાનહાની પહોંચી નથી.

  બાલેશ્વર રેલવે સ્ટેશનના સ્ટેશન મેનેજર ભગવત દાસે જણાવ્યું હતું કે, મિકેનિકલ ગડબડીના કારણે પાછલા છ ડબ્બા ટ્રેનથી અલગ પડી ગયા હતા. ત્યારબાદ ગડબડીને તરત જ દૂર કરી દેવામાં આવી હતી. સાવચેતીના ભાગરૂપે લાઇન ઉપર બે કલાક સુધી ટ્રેનની અવર-જવર ઉપર રોક લગાવવામાં આવી હતી. દાસે જણાવ્યું હતું કે, ડબ્બાને લાવવા અને ટ્રેન સાથે જોડવા માટે એક એન્જીન મોકલવામાં આવ્યું હતું.

   અત્રે ઉલ્લેખનીય છે કે, આ પહેલા સાત એપ્રિલે રાત્રે અમદાવાદ-પુરી એક્સપ્રેસના 22 ડબ્બા બોલાંગીરી જિલ્લામાં ટિટિલાગઢથી કાલાહાંડી જિલ્લાના કેસિંગા વચ્ચે 13 કિલોમીટર સુધી ચેન્જીન વગર દોડ્યા હતા. ઘટના સમયે ટ્રેનમાં અનેક મુસાફરો સવાર હતા.