Gujarati News

નવી દિલ્હી : વડાપ્રધાન નરેન્દ્રભાઈ મોદી આજે યૂપી પોલીસ હેડ ઓફિસમાં 10 કલાક સુધી રહેશે. તેઓ સવારે મુખ્યાલય પહોંચ્યા હતા  જ્યાં અખિલ ભારતીય ડીજી કોન્ફ્રન્સ ચાલી રહી છે. વડાપ્રધાન કોન્ફ્રન્સમાં સામેલ અધિકારીઓને સંબોધિત કરશે. તે પછી દેશના ટોચના અધિકારીઓની સુરક્ષાને લઈને પોતાના સૂચનો રાખશે અને આંતરિક સુરક્ષાને લઈને કરવામાં આવતા પ્રયત્નોને લઈને પોતાના અનુભવ શેર કરશે. ગૃહ મંત્રી અમિતભાઈ  શાહ અને એનએસએ ચીફ અજીત ડોભાલ પણ વડાપ્રધાન સાથે છે.

બધા પ્રદેશોના DGP શાનદાર પોલિંસિંગ અને ભવિષ્યના પડકારો પર પ્રજેન્ટેશન આપશે. બપોરે 12 વાગ્યા પછી લંચ બ્રેક થશે. તે પછી ફરીથી કોન્ફ્રન્સ શરૂ થશે. સાંજે સાત વાગે વડાપ્રધાન રાજભવન પરત ફરશે. યૂપીમાં પ્રથમ વખત આયોજિત થઈ રહેલા ત્રણ દિવસીય ડીજી કોન્ફ્રન્સનો આજે બીજો દિવસ છે. શુક્રવારે ગૃહમંત્રી અમિતભાઈ  શાહે આનો શુભારંભ કર્યો હતો. શુક્રવાર રાત્રે જ વડાપ્રધાન લખનઉ પહોંચ્યા હતા. એવું પ્રથમ વખત બનશે કે વડાપ્રધાન આટલા લાંબા સમય સુધી ઉત્તર પ્રદેશમાં રહશે. રવિવારે કોન્ફ્રન્સને સંબોધન પછી સાંજે 4 વાગે દિલ્હી પરત ફરશે.