Gujarati News

Gujarati News

News of Friday, 20th November 2020

અનુપમ ખેરે પુત્ર સિકંદર ખેર માટે ખાસ પોસ્ટ લખી

કિરણના પહેલા પતિના પુત્ર પાસે કામ નથી

મુંબઇ, તા. ૨૦ : બોલિવૂડ અભિનેતા અનુપમ ખેરના પુત્ર સિકંદર ખેરે સોશિયલ મીડિયામાં પોતાની એક તસવીર શેર કરીને કામ માગ્યું છે. સિકંદરે તેના ઇન્સ્ટાગ્રામ પર એક પોસ્ટ શેર કરતાં લખ્યું , મને કામ જોઇએ. હું હસી પણ શકું છું.

સિકંદર આ તસવીરમાં થોડો પરેશાન નજરે પડી રહ્યો છે. સાથે જ તેના માથે પરસેવો છે અને ચહેરા પર બિલકુલ પણ સ્માઇલ નથી. ઉલ્લેખનીય છે કે, હાલમાં જ સિકંદર ખેર ડિઝ્ની પ્લસ હોટ સ્ટરાની વેબ સીરિઝ આર્યામાં જોવા મળ્યો હતો. સીરિઝમાં દૌલત નામના સપોર્ટિંગ પાત્રમાં જોવા મળ્યો હતો. આર્યા બાદ સિકંદર એક બીજી સીરિઝ અને ફિલ્મમાં નજરે પડશે.  સિકંદરની પોસ્ટ પર લોકો ફની કમેન્ટ કરી રહ્યાં છે. એક યુઝરે લખ્યું કે, સર જ્યાં સુધી હું જાણુ છુ અમિતાભ બચ્ચન પછી હાલ તમે સૌથી વ્યસ્ત એક્ટર છો. આનો જવાબ આપતાં સિકંદરે લખ્યું કે, સર શું તમે ઇચ્છો છો કે હું ઢાંકણીમાં પાણી લઇને ડૂબી જઉં?

સિકંદર, કિરણ ખેરના પહેલા પતિ ગૌતમ બેરીનો પુત્ર છે. જ્યારે તે ૩ વર્ષનો હતો ત્યારે કિરણે અનુપમ ખેર સાથે લગ્ન કર્યા હતા. સિકંદર અને અનુપમ વચ્ચે બહુ સારું બોન્ડિંગ છે. હાલમાં જ પુત્ર માટે અનુપમે લાંબી પોસ્ટ પણ લખી હતી. સિકંદર ઘણી ટીવી સીરિઝ અને ફિલ્મ્સમાં એક્ટિંગ કરી ચૂક્યો છે. તે આગામી ફિલ્મ 'સૂર્યવંશી'માં નજરે પડશે.

(7:24 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST