Gujarati News

Gujarati News

News of Friday, 20th November 2020

પટનામાં સ્ટોનને બદલે ડોકટરોએ પેશન્ટની કિડની જ કાઢી નાખી

પટણા, તા.૨૦: વાસ્તવમાં પેશન્ટની ડાબી કિડનીમાં પથરી હતી જે કાઢવા માટે ઓપરેશન કરવામાં આવી રહ્યું હતું. જોકે ઓપરેશન દરમ્યાન ડોકટરોએ કિડની જ કાઢી નાખી પેશન્ટના પરિવારજનોને સોંપતાં ધાંધલ મચી ગઈ હતી. રોષે ભરાયેલા પેશન્ટનાં સગાંવહાલાંઓએ હાઙ્ખસ્પિટલ પર પથ્થરમારો કર્યો હતો.

ડોકટરોએ પોતાની ભૂલ માનીને બીજી કિડનીના ઇલાજનો સંપૂર્ણ ખર્ચ વહન કરવાનું આશ્વાસન આપતાં પેશન્ટના પરિવારજનોએ પોલીસમાં ફરિયાદ કરવા ગયા નહોતા. ઘટના પટનાના કંકડબાગ પોલીસ સ્ટેશનના અધિકાર ક્ષેત્રમાં આવતી બીજીબી હોસ્પિટલની છે અને પેશન્ટ બેગુસરાઈનો યુવક છે.

થોડા દિવસ પહેલાં પેટમાં દુખાવાની ફરિયાદ સાથે પટનાના કંકડબાગસ્થિત બીજીબી હોસ્પિટલમાં દાખલ થયેલા બેગુસરાઈના ૨૬ વર્ષના યુવકની તપાસમાં તેની ડાબી કિડનીમાં પથરી હોવાનું જણાયું હતું. જોકે ઓપરેશન દરમ્યાન ડાબીને બદલે જમણી કિડની કાઢી નાખવામાં આવી હોવાનું જણાયું હતું.

હોસ્પિટલના ડોકટરોનું કહેવું છે કે ઓપરેશન દરમ્યાન યુવકની બન્ને કિડનીમાં પથરી હોવાનું ધ્યાન પર આવ્યું હતું. કિડનીની રકતનળીઓનો ગુચ્છો ફસાઈ જતાં લોહી બંધ નહોતું થઈ રહ્યું જેના લીધે જીવ બચાવવા માટે કિડની કાઢવી પડી હતી.

(3:35 pm IST)
  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST