Gujarati News

Gujarati News

News of Friday, 20th November 2020

દિલ્હીમાં વધતા પ્રદૂષણને કારણે શ્વાસ લેવાનું મુશ્કેલ

સવારે હવાની ગુણવત્તાની ઇન્ડેક્સ 291 નોંધાઈ: પંજાબ અને હરિયાણાના કેટલાક વિસ્તારોમાં હજી પણ પરાલી સળગાવવાનો સિલસિલો યથાવત

નવી દિલ્હી : દિલ્હીમાં વધતા પ્રદૂષણને કારણે શ્વાસ લેવાનું મુશ્કેલ બની રહ્યું છે. થોડા દિવસોની રાહત બાદ ફરી એક વખત પ્રદૂષણનું સ્તર વધવાનું શરૂ થયું છે. દેશની રાજધાની દિલ્હીમાં આજે સવારે આઠ વાગ્યે હવાની ગુણવત્તાની ઇન્ડેક્સ 291 નોંધાઈ હતી.કેન્દ્રીય પ્રદુષણ બોર્ડ અનુસાર, સિરી ફોર્ટ ખાતે એક્યુઆઈ 287 (નબળી કેટેગરી) અને અરબિંદો માર્ગ પર 291 (નબળી કેટેગરી) નોંધાઈ છે.

દિવાળીના બીજા દિવસે વરસાદ બાદ દિલ્હી એનસીઆરના લોકોને પ્રદૂષણથી રાહત મળી હતી પરંતુ ફરી એક વખત પ્રદૂષણ વધવાનું શરૂ થયું છે. આઇએમડી અનુસાર પંજાબ અને હરિયાણાના કેટલાક વિસ્તારોમાં હજી પણ પરાલી સળગાવવામાં આવી રહી છે. તેની અસર દિલ્હી એનસીઆરમાં જોવા મળી રહી છે. .

(10:22 am IST)
  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST