Gujarati News

Gujarati News

News of Friday, 20th November 2020

સમગ્ર અમદાવાદમાં ઉચાટઃ બજારોમાં ભીડઃ પેનિકમાં ખરીદી

આજે રાતથી ૫૭ કલાકનો કર્ફયુ લાગુ થાય તે પહેલા દૂધ, શાકભાજી, અનાજ, ફ્રુટ સહિતની ખરીદી કરવા લોકો સવારથી જ ઘરની બહાર નિકળ્યાઃ તમામ બજારો અને દુકાનો પર ભીડઃ અમદાવાદથી બહાર ગયેલા લોકો શહેરમાં પ્રવેશવા દોટ મુકી તો બહારથી અમદાવાદ આવેલા લોકો પોતપોતાના ઘરે પહોંચવા ઉતાવળા થતા હાઈવે ઉપર તથા બસ સ્ટેન્ડ પર ભારે ભીડ

અમદાવાદ, તા. ૨૦ :. તહેવારો બાદ અમદાવાદમાં કોરોનાએ માથુ ઉંચકતા તંત્રએ આજે રાત્રે ૯ વાગ્યાથી સોમવારે સવારે ૬ વાગ્યા સુધીનો સળંગ ૫૭ કલાકનો કર્ફયુ લાદવાના લીધેલા નિર્ણય બાદ આજે સવારે શહેરની બજારોમાં લોકો જીવન જરૂરી ચીજો ખરીદી કરવા ઉમટી પડતા તમામ બજારોમાં ભારે ભીડ જોવા મળી રહી છે. મોટા પ્રમાણમાં લોકો ઘરોની બહાર નિકળ્યા છે અને પેનિકમાં ખરીદી કરી રહ્યા છે.

શહેરમાં ૫૭ કલાકના કર્ફયુ દરમિયાન માત્ર દવાની દુકાનો અને દૂધ પાર્લરો જ ખુલ્લા રહેવાનો હોય લોકો આજે વહેલી સવારથી પોતાના ઘરોની બહાર લેવા નિકળી ગયા છે અને શાકભાજી, અનાજ, દૂધ, ફ્રુટ, દવા સહિતની ખરીદી કરી રહ્યા છે. તમામ બજારોમાં અને તમામ વિસ્તારોમાં આવેલી દુકાનોએ સવારથી જ ભારે ભીડ જોવા મળી રહી છે. જેને પરિણામે પણ કોરોના વકરે તેવી શકયતા જણાય રહી છે.

અમદાવાદમાં કોરોના ન ફેલાય તે માટે આગમચેતીના પગલા સ્વરૂપ તંત્રએ કર્ફયુ લાદવાનો નિર્ણય લીધો છે. અમદાવાદમાં આજે રાતથી એસટી બસના પ્રવેશ પર પણ પ્રતિબંધ લગાવવામાં આવતા આજે શહેરમાં રાત્રે એક પણ બસ આવી નહિ શકે એટલુ જ નહિ શહેરમાંથી રાત્રે ઉપડતી ૩૫૦ જેટલી બસો પણ બંધ કરી દેવામાં આવી છે. બહારગામની બસો અમદાવાદ બાયપાસ થઈને જતી રહેશે.

દરમિયાન અમદાવાદમાં રહેતા અને હાલ બહાર ગયેલા લોકોએ પણ રાત સુધીમાં શહેરમાં પહોંચવા દોટ મુકતા હાઈવે ઉપર પણ વાહનોની કતારો જોવા મળી રહી છે. એટલુ જ નહિ અમદાવાદમાં આવેલા બહારના લોકો પણ પોતપોતાને ઠેકાણે જવા દોટ મુકતા હાઈવેઓ ઉપર વાહનોના થપ્પા જોવા મળી રહ્યા છે.

શહેરમાં કોરોના આઉટ ઓફ કંટ્રોલ થતા ૫૭ કલાકનો કર્ફયુ લાદવામાં આવ્યો છે. શનિ, રવિ દરમિયાન શહેર સંપૂર્ણપણે બંધ રહેવાનુ છે. તે જોતા લોકોમાં ભારે ઉચાટ જોવા મળી રહ્યો છે અને તેઓ ખરીદી કરવા પણ દોટ મુકી રહ્યા છે.

(10:21 am IST)
  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST