Gujarati News

Gujarati News

News of Friday, 20th November 2020

કાળાબજારના ખેલમાં મોંઘુ થયુ ખાદ્યતેલ

છેલ્લા ૧ વર્ષમાં તમામ તેલના ભાવમાં આકરો ભાવ વધારો આવ્યોઃ ગૃહિણીઓનો મરો

નવી દિલ્હી, તા. ૨૦ :. શાકભાજી અને અનાજ બાદ ખાદ્યતેલના ભાવ એકધારા વધી રહ્યા છે. છેલ્લા ૨ મહિનામાં સરસવના તેલમાં ૪૪, સોયા ઓઈલમાં ૪૦, પામ ઓઈલમાં ૨૫ અને વનસ્પતિ ઓઈલમાં ૨૦ રૂ.નો વધારો થયો છે. કાળાબજારના ખેલમાં તેલમાં તેજી જોવા મળી રહી છે. હજુ પણ ભાવ વધવાના સંકેતો મળે છે. જો કે મલેશીયા, વિયેટનામથી રીફાઈન્ડ અને પામ ઓઈલની આવક શરૂ થઈ છે. જો કે તહેવારોમાં ડીમાન્ડ વધતા મોટા વેપારીઓએ તેલને ડમ્પ કરવાનું શરૂ કર્યુ જેના કારણે ભાવ વધ્યા. રીફાઈન્ડ અને સરસવ તેલ મોંઘુ થવાથી ગૃહણીઓની બજેટ અસ્તવ્યસ્ત થઈ ગયુ છે. સીંગતેલના ભાવમાં પણ એકધારો વધારો જોવા મળી રહ્યો છે.

સૂત્રોના જણાવ્યા પ્રમાણે ભાવ વધારા અંગે કેન્દ્ર સરકાર ચિંતીત થઈ છે અને ગૃહમંત્રી અમિત શાહના નેતૃત્વમાં પ્રધાનોના જુથને એક પ્રેઝન્ટેશન રજુ કરવામાં આવ્યુ હતું. જેમા જણાવાયુ હતુ કે ડુંગળીના ભાવ ઘટવા લાગ્યા છેે કારણ કે ૩૦ હજાર ટનની આયાત કરવામાં આવી છે, જ્યારે બટેટાના ભાવો સ્થિર થયા છે પરંતુ ખાદ્યતેલના ભાવ સતત વધી રહ્યા છે.

સૂત્રોના જણાવ્યા પ્રમાણે દેશભરમાં ભરપૂર પાક છતા ખાદ્યતેલના ભાવ વધી રહ્યા છે. સૂત્રોના જણાવ્યા પ્રમાણે મલેશિયામાં છેલ્લા ૬ મહિના દરમિયાન પામ ઓઈલનું ઉત્પાદન ઘટતા ઘરઆંગણે ખાદ્યતેલ મોંઘુ થયુ છે. અત્રે નોંધનીય છે કે પ્રોસેસ્ડ ફુડ ઈન્ડસ્ટ્રી ૭૦ ટકા જેટલા પામ ઓઈલનો વપરાશ કરે છે. હવે સરકાર ઉપર નિર્ભર છે કે પામ ઓઈલ પરની ડયુટી ઘટાડવી કે નહિ ? કારણ કે પામ ઓઈલના ભાવની સીધી અસર ખાદ્ય તેલના ભાવ પર પડતી હોય છે.

મુડીપતિઓની મનમાની અને કાળાબજારને કારણે આ બજારમાં અસ્થિરતા છે. પાક ભરપૂર છતા સરસવના તેલના ભાવમાં સપ્ટેમ્બરથી નવેમ્બર દરમિયાન ૫૦ રૂ.ની તેજી આવી છે. આ જ સ્થિતિ રીફાઈન્ડ અને પામ ઓઈલની છે.

(10:03 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST