Gujarati News

Gujarati News

News of Wednesday, 20th November 2019

29મીએ શ્રીલંકાના નવા ચૂંટાયેલા પ્રમુખ ગોતબાયા રાજપક્શા ભારતની મુલાકાતે

તેમની પહેલી વિદેશ યાત્રા: વિદેશ પ્રધાન એસ જયશંકરે કોલંબોમાં મુલાકાત લીધી

નવી દિલ્હી : આગામી 29મી નવેમ્બરે શ્રીલંકાના નવા ચૂંટાયેલા પ્રમુખ ગોતબાયા રાજપક્શા ભારતની મુલાકાતે આવશે. શ્રીલંકાના પ્રમુખ બન્યા પછીની આ તેમની પહેલી વિદેશ યાત્રા હશે.

  ગોતબાયા શ્રીલંકાના પ્રમુખ બન્યા બાદ વિદેશ પ્રધાન એસ જયશંકરે કોલંબોમાં તેમની મુલાકાત લીધી હતી અને ભારતના વડા પ્રધાન  મોદી વતી તેમને ભારતની મુલાકાતે આવવાનું ઔપચારિક આમંત્રણ આપ્યું હતું.

  ગોતબાયાના પ્રવક્તાએ કહ્યું કે ભારતના વડા પ્રધાનના આમંત્રણનો ગોતબાયાએ સ્વીકાર કર્યો હતો અને 29મી નવેંબરે તેઓ ભારતની મુલાકાતે આવશે તથા વડા પ્રધાન નરેન્દ્ર મોદી સાથે બેઠક યોજશે.

  ગોતબાયા શ્રીલંકાના પ્રમુખ બન્યાથી સ્વાભાવિક રીતેજ ભારતની ચિંતા વધી હતી કારણ કે ગોતબાયાનો ઝોક ચીન તરફી રહ્યો છે. ગોતબાયા ચૂંટાયા કે તરત વડા પ્રધાન નરેન્દ્ર મોદીએ ગયા રવિવારે તેમને અભિનંદનનો ફોન કર્યો તો ત્યારે પણ તેમને ભારતની મુલાકાતે આવવાનું આમંત્રણ આપ્યું હતું.

(12:18 pm IST)
  • અત્યાર સુધી દિલ્હીના મુખ્યમંત્રી એકલા ઉધરસ ખાતા હતા હવે આખુ દિલ્હી ખાય છે : દિલ્હીમાં હવાઈ પ્રદુષણ મામલે ભાજપ સાંસદ પ્રવેશ વર્માનો કટાક્ષ : કોંગ્રેસ સાંસદ મનીષ તિવારીની પણ દિલ્હી સરકાર ઉપર તડાપીટ access_time 8:22 pm IST

  • પાકિસ્તાનમાં ઇમરાન સરકારનું કાઉન્ટ ડાઉન શરૂ : પ્રાઈમ મિનિસ્ટરના રાજીનામાં માટે આંદોલન ચલાવી રહેલા જમિયત ઉલેમા એ ઇસ્લામના પ્રમુખ મૌલાના ફઝલુર રહેમાનની ભવિષ્યવાણી access_time 12:18 pm IST

  • ૪ વર્ષથી મોટા બાળકો માટે પણ હેલ્મેટ ફરજીયાત : કેરળ હાઇકોર્ટ : કોચી : કેરળ હાઇકોર્ટે ટુ વ્હીલર ચાલકોની પાછળ બેસનાર માટે પણ હેલ્મેટ ફરજીયાત કરવાનો નિર્ણય લીધો જેમાં ૪ વર્ષથી વધુ ઉંમરના બાળકોનો પણ સમાવેશ થાય છે. કોર્ટે રાજય સરકારને નવા નિયમો અંગે લોકોને જાણ કરવા નોટીસ આપવા તથા હોર્ડીંગ લગાવવાનો આદેશ આપ્યો access_time 11:47 am IST