Gujarati News

નવી દિલ્હીઃ તમે ગૂગલની google duo video calling appને અન્ય મિત્રો તેમજ કોન્ટેક્ટ સાથે શેર કરીને 9 હજાર રૂપિયા સુધીની કમાણી કરી શકો છો. ગૂગલ આ એપને વધારેમાં વધારે લોકો સુધી પહોચાડવા માટે રેફરલ પ્રોગ્રામ લઇને આવ્યું છે.google duo પર રિવોર્ડ મેળવવા માટે તમારે તેની ઇનવાઇટ લિંક મિત્રોને મોકલવાની રહેશે. જો તમારો મિત્ર આ લિંક દ્વારા google duo ડાઉનલોડ કરે છે તો તમારા મિત્રની સાથે તમને પણ રિવોર્ડ મળશે.

ઇનવાઇટ મોકલનાર અને એક્સેપ્ટ કરનાર બંન્ને લોકોને ગૂગલ પે સ્ક્રેચ કાર્ડ મળશે. આ સ્ક્રેચ કાર્ડ 1 હજાર રૂપિયા સુધીનું હશે. એક વર્ષમાં તમે આ રિવોર્ડ દ્વારા 9 હજાર રૂપિયા સુધીની કમાણી કરી શકો છો. google duoથી મહત્તમ 30 રિવોર્ડ મેળવી શકાય છે. આ સ્કીમ તમિલનાડુને છોડીને દેશના તમામ રાજ્યો માટે છે.

google duo ઇનવાઇટ મોકલવા માટે ઓપ્શનમાં જઇ શેર ઇનવાઇટ લિંક પર ક્લિક કરવાનું રહેશે. રિવોર્ડ ત્યારે જ મળશે જ્યારે સંબંધિત મોબાઇલ નંબર દ્વારા પહેલા ક્યારેય google duo ઇન્સ્ટોલ કરવામાં આવ્યું નહીં હોય. ઇનવાઇટ સ્ક્રેચ કાર્ડ રિવોર્ડ્સ માત્ર એન્ડ્રોઇડ યૂઝર્સ માટે છે. રિવોર્ડ રિડીમ કરવા માટે duo એપ પર મોર ઓપ્શનમાં જવાનું રહેશે અને રિડીમ રિવોર્ડ ઓપ્શન સિલેક્ટ કરવાનું રહેશે. રિવોર્ડના પૈસા ડાયરેક્ટ બેંક એકાઉન્ટમાં આવી જશે. તમારે રિવોર્ડ મેળવવા માટે ગૂગલ પે માટે રજિસ્ટર્ડ કરાવવાનું રહેશે.