Gujarati News

Gujarati News

News of Wednesday, 20th October 2021

ચીનમાં ઉઇગુરો પરના અત્યાચારના આરોપીને તિબેટમાં કમ્યુનિસ્ટ પાર્ટીના પ્રમુખ બનાવાયા

ચીનની સત્તારૂઢ કમ્યુનિસ્ટ પાર્ટીએ એક વિવાદિત પગલુ ઉઠાવ્યુ જુન્હેંગ પર અમેરિકા, બ્રિટન, યુરોપિયન, યુનિયન અને કનાડાએ પ્રતિબંધ લગાવ્યા છે

નવી દિલ્હી : ચીનની સત્તારૂઢ કમ્યુનિસ્ટ પાર્ટીએ એક વિવાદિત પગલુ ઉઠાવ્યુ છે. શિનજિયાંગ પ્રાંતમાં ઉઈગર મુસ્લિમ પર અત્યાચાર અને માનવાધિકાર ઉલ્લંઘનના આરોપી અધિકારી વાંગ જુન્હેંગને તિબ્બતમાં પાર્ટીના પ્રમુખ બનાવવામાં આવ્યા છે. જુન્હેંગ પર અમેરિકા, બ્રિટન, યુરોપિયન, યુનિયન અને કનાડાએ પ્રતિબંધ લગાવી રાખ્યા છે.

ચીનની સરકારી સમાચાર એજન્સી શિન્હુઆએ મંગળવારે જણાવ્યુ કે વાંગ જુન્હેંગને કમ્યુનિસ્ટ પાર્ટી ઑફ ચાઈના (CPC) તિબ્બત સ્વાયત્ત ક્ષેત્રીય સમિતિના સચિવ નિયુક્ત કરવામાં આવ્યા છે. 58 વર્ષના વાંગ ચીનના સર્વોચ્ચ રેકિંગ અધિકારી છે, જેની પર આ વર્ષે માર્ચમાં માનવાધિકારોના ઉલ્લંઘનના આરોપમાં પ્રતિબંધ લગાવાયા છે. હોંગકોંગના સાઉથ ચાઈના મોર્નિંગ પોસ્ટ અનુસાર જિન્હેંગ પર આરોપ છે કે તે જ્યારે શિનજિયાંગમાં સીપીસીના ઉપ સચિવ અને સુરક્ષા પ્રમુખ હતા, ત્યારે ઉઈગર પર અત્યાચાર કરવામાં આવ્યા હતા.

જિન્હેંગ 2019થી શિનજિયાંગ પ્રાંતના સુરક્ષા પ્રમુખ હતા. છેલ્લા વર્ષે તે શિનજિયાંગના પેરા મિલિટ્રી પ્રોડક્શન અને કન્સ્ટ્રક્શન કૉર્પ્સના રાજનીતિક પ્રમુખ બનાવવામાં આવ્યા હતા. આ સાથે જ તેઓ પાર્ટીના ઉપ પ્રમુખ પણ હતા. ચીન પર ઉઈગર મુસ્લિમોના દમન અને તેમના માનવાધિકારોના ઉલ્લંઘનનો આરોપ લાંબા સમયથી લાગી રહ્યો છે. શિનજિયાંગ પ્રાંતમાં ઉઈગરના અસંતોષને કચડવા માટે ચીને દેશના અન્ય ભાગની સુરક્ષા દળને મોટી માત્રામાં તૈનાતી કરી હતી. અમેરિકાએ શિનજિયાંગમાં હજારો ઉઈગરોને કારાગારમાં બંધ કરાવવાના પગલાને નરસંહાર માન્યો હતો. અમેરિકા ચીનની આ કથિત સુરક્ષા કાર્યવાહીનો ઉદ્દેશ્ય આતંકવાદને નિયંત્રિત કરવાનુ હતુ.

ચીનનો આરોપ છે કે પૂર્વી તુર્કીસ્તાન ઈસ્લામિક મૂવમેન્ટ શિનજિયાંગ પ્રાંતમાં સક્રિય છે અને તેઓ સંસાધનોથી સંપન્ન આ સીમાવર્તી ક્ષેત્રમાં કેટલાક હિંસક હુમલો કરી ચૂક્યા છે.

વાંગ જિન્હેંગનુ પ્રમોશન એ સાબિત કરે છે કે ચીન શિનજિયાંગને લઈને તેમની નીતિઓને પશ્ચિમી દેશ દ્વારા નાપસંદ કરવાની બિલકુલ પરવા કરતા નથી. તેમની રૂચિ તે અધિકારીઓ પ્રત્યે વધતી જઈ રહી છે જે લઘુમતી આબાદીને નિયંત્રિત કરવામાં પોતાની દક્ષતા સાબિત કરી ચૂક્યા છે.

(12:00 am IST)