Gujarati News

Gujarati News

News of Monday, 19th October 2020

IPL-2020: ચેન્નઈ સુપર કિંગ્સનો 7 વિકેટે પરાજય :રાજસ્થાન રોયલ્સનો ચોથો વિજય :પોઇન્ટ ટેબલમાં પાંચમાં સ્થાને પહોંચી

જોસ બટલરે શાનદાર બેટિંગ કરતા અણનમ 70 રન ફટકાર્યા

અબુધાબીઃ રાજસ્થાન રોયલ્સે  શાનદાર  પ્રદર્શન કરતા ચેન્નઈ સુપર કિંગ્સને 7 વિકેટે પરાજય આપ્યો છે. આ રાજસ્થાન રોયલ્સનો ચોથો વિજય છે.રાજસ્થાનની ટીમ હવે 8 પોઈન્ટ સાથે ટેબલમાં પાંચમાં સ્થાને પહોંચી ગઈ છે. તેની પ્લેઓફની આશા હજુ જીવંત છે. તો ચેન્નઈ સુપર કિંગ્સે ટૂર્નામેન્ટમાં સાતમી હારનો સામનો કરવો પડ્યો છે. તો ચેન્નઈ માટે પ્લેઓફના દરવાજા લગભગ બંધ થઈ ગયા છે. ટોસ જીતીને પ્રથમ બેટિંગ કરતા ચેન્નઈએ 20 ઓવરમાં 5 વિકેટે 125 રન બનાવ્યા હતા. જેના જવાબમાં રાજસ્થાને 17.3 ઓવરમાં 126 રન બનાવી મેચ પોતાના નામે કરી લીધી હતી. 

ચેન્નઈએ આપેલા 126 રનના લક્ષ્યનો પીછો કરવા ઉતરેલી રાજસ્થાન રોયલ્સની શરૂઆત ખુબ ખરાબ રહી હતી. ટીમે માત્ર 28 રનમાં ત્રણ વિકેટ ગુમાવી દીધી હતી. બેન સ્ટોક્સ (19), રોબિન ઉથપ્પા (4) અને સંજૂ સેમસન (0) રન બનાવી આઉટ થયા હતા. જેમાં સ્ટોક્સ અને સેમસનને દીપક ચાહરે તો રોબિન ઉથપ્પાને હેઝલવુડે આઉટ કર્યા હતા.

 


28 રનમાં ત્રણ વિકેટ ગુમાવ્યા બાદ જોસ બટલર અને સ્ટીવ સ્મિથે ઈનિંગને સંભાળી હતી. બટલરે 37 બોલમાં પોતાની અડધી સદી પૂરી કરી હતી. બંન્નેએ 98 રનની વિજયી ભાગીદારી નોંધાવી હતી. જોસ અબુધાબીના મેદાન પર કેપ્ટન એમએસ ધોનીએ ટોસ જીતીને પ્રથમ બેટિંગ કરવાનો નિર્ણય લીધો હતો. ચેન્નઈ માટે સેમ કરન અને ફાફ ડુ પ્લેસિસે ઈનિંગની શરૂઆત કરી હતી. ટીમને 13 રનના સ્કોર પર ફાફ ડુ પ્લેસિસ (10)ના રૂપમાં પ્રથમ ઝટકો લાગ્યો હતો. ડુ પ્લેસિસને જોફ્રા આર્ચરે આઉટ કર્યો હતો. ત્યારબાદ શેન વોટસન (8) રન બનાવી કાર્તિક ત્યાગીની  ઓવરમાં આઉટ થયો હતો. આમ ચેન્નઈએ 26 રનમાં બે વિકેટ ગુમાવી દીધી હતી.

ટીમનો સ્કોર 53 રન હતો ત્યારે સેમ કરન (22)ને શ્રેયસ ગોપાલે આઉટ કરીને રાજસ્થાનને ત્રીજી સફળતા અપાવી હતી. કરને 25 બોલમાં એક ચોગ્ગો અને એક છગ્ગો પટકાર્યો હતો. અંબાતી રાયડૂ માત્ર 13 રન બનાવી રાહુલ તેવતિયાની ઓવરમાં આઉટ થયો હતો. 56 રન પર ચાર વિકેટ ગુમાવ્યા બાદ રવિન્દ્ર જાડેજા અને એમએસ ધોનીએ પાંચમી વિકેટ માટે 51 રનની ભાગીદારી કરી હતી. એમએસ ધોની ટીમનો સ્કોર 107 રન હતો ત્યારે 28 બોલમાં 2 ચોગ્ગા સાથે 28 રન બનાવી રન આઉટ થયો હતો.  અંતમાં રવિન્દ્ર જાડેજા 30 બોલમાં 4 ચોગ્ગા સાથે 35 રન બનાવી અને કેદાર જાધવ 4 રન બનાવી અણનમ રહ્યાં હતા. ચેન્નઈની ટીમ માત્ર એક સિક્સ ફટકારી શકી હતી.

રાજસ્થાન તરફથી જોફ્રા આર્ચર, કાર્તિક ત્યાગી, શ્રેયસ ગોપાલ અને રાહુલ તેવતિયાએ એક-એક વિકેટ ઝડપી હતી. 

(12:11 am IST)
  • ઓડીશાના માલકનગીરી જિલ્લામાં માઓવાદી આતંકીઓએ ગોઠવેલ ૭ વિસ્ફોટક આઈઈડી શોધી કાઢેલ છે : જેના લીધે મોટી વારદાત સર્જાતા રહી ગઈ છે access_time 5:49 pm IST

  • પંજાબ વિધાનસભાએ કેન્દ્રના નવા કૃષિ વિરોધમાં ઠરાવ પસાર કરી ૪ નવા ખરડા પાસ કર્યા છે access_time 5:50 pm IST

  • દિલ્હીમાં ઝેરી હવાના પ્રદુષણ માટે ગેરકાયદે વસી ગયેલી વસાહતો જવાબદાર : આ વસાહતોમાં કાચા અને ધુળીયા રસ્તાઓ ઉપરથી પસાર થતા વાહનો પ્રદુષણ ફેલાવતા હોવાનો સર્વે : પાટનગરમાં 30 ટકા કોલોનીઓ જ સરકાર માન્ય : 70 ટકા જેટલી કોલોનીઓ ગેરકાયદે access_time 12:27 pm IST