Gujarati News

Gujarati News

News of Sunday, 20th October 2019

કમલેશ તિવારીની હત્યાના ત્રણેય આરોપીના ત્રણ દિવસના રિમાન્ડ મંજુર : યુપી પોલીસે ત્રણેયના ફોનની કસ્ટડી લીધી

ગુજરાત ATS દ્વારા મિરઝાપુર કોર્ટમાં રજૂ કરાયા : યુપી પોલીસ અમદાવાદ પહોંચી

અમદાવાદ : ગુજરાત એટીએસે કમલેશ તિવારીની હત્યા મામલે ત્રણ  આરોપીની ધરપકડ કરી છે. જેમાં રશીદ પઠાણ, મૌલાના મોસીન તેમજ ફૈઝાનની ધરપકડ કરાઇ છે. ત્રણેય આરોપીઓને ગુજરાત ATS દ્વારા મિરઝાપુર કોર્ટમાં રજૂ કરવામાં આવ્યા હતા. લખનઉ પોલીસની ટીમે ત્રણેય આરોપીઓના ટ્રાન્ઝિસ્ટ રિમાન્ડની માંગણી કરી હતી. જો કે કોર્ટે ત્રણેય આરોપીઓના 72 કલાકના રિમાન્ડ મંજુર કર્યા છે. આ મામલે યુપી પોલીસને જાણ કરતા યુપી પોલીસના અધિકારીઓ અમદાવાદ આવી પહોંચ્યા હતા.

યુપી પોલીસે ત્રણેની ધરપકડ કરી હતી. ત્યારબાદ આરોપીને ઉત્તર પ્રદેશ લઇ જવાના હોવાતી તેમના ટ્રાન્ઝીટ રિમાન્ડ મેળવવા માટે ગ્રામ્ય કોર્ટમાં રજૂ કર્યા હતા. જ્યાં કોર્ટે તપાસ કરનાર અધિકારી પાસે પુરતા દસ્તાવેજ માગ્યા હતા અને રેકોર્ડ જોયા હતા. આ દરમિયાન પોલીસે જપ્ત કરેલા આરોપીઓના ત્રણ ફોનની કસ્ટડી પણ યુપી પોલીસે લઇ લીધી હતી.

(11:07 pm IST)
  • કોંગી કોર્પોરેટરનાં પરિવારમાં ડેન્ગ્યુ પ્રસર્યોઃ વિજય વાંકનો તંત્ર સામે આક્રોશ : રાજકોટઃ શહેરમાં ડેન્ગ્યુનો રોગચાળો ઓછો હોવાનું તંત્ર વાહકો જણાવી રહ્યા છે ત્યારે કોંગી કોર્પોરેટરોએ આ બાબતે આક્રોશ સાથે જણાવ્યુ હતુ કે, ખુદ તેમના પરિવારમાં તેમના માતૃશ્રી અને ત્યારબાદ તેમના પત્નિને ડેન્ગ્યુની સારવાર લેવી પડી છે ત્યારે શહેરમાં ડેન્ગ્યુનાં રોગચાળાને નકારી શકાય નહી. access_time 4:05 pm IST

  • વડાપ્રધાનપદ માટે નરેન્દ્રભાઇ આજેય સૌથી લોકપ્રિય નેતા સર્વેમાં બીજુ કોઇ તેમની આસપાસ પણ આવતુ નથીઃ આઇએનએસ - સીવોટરના સર્વેનું તારણ access_time 4:04 pm IST

  • બ્રેક્ઝિટ મામલે આજ બ્રિટિશ સંસદમાં મતદાન : 1982 ની સાલ પછી પ્રથમવાર શનિવારે સંસદનું સત્ર : બ્રિટન યુરોપીય સંઘમાં રહેશે કે નહીં તેનો ફેંસલો access_time 8:22 pm IST