Gujarati News

Gujarati News

News of Sunday, 20th October 2019

મહારાષ્ટ્ર ચૂંટણી: ભાજપના 96 ઉમેદવારો અને કોંગ્રેસના 83 ઉમેદવારો પર ગુન્હાના કેસ ADR રિપોર્ટમાં ખુલાસો

બીજેપીના કુલ 162 ઉમેદવારો પૈકી 96 ઉમેદવારો એટલે કે 59 ટકા ઉમેદવારો વિરુદ્ધ ગંભિર ગુના

મુંબઈ : મહારાષ્ટ્ર વિધાનસભા ચૂંટણીને લઇને દેશની ચૂંટણીઓનું અધ્યયન કરનાર એસોસિએશન ફોર ડેમોક્રેટિક રિફોર્મ્સ (ADR) એ વર્તમાન ઉમેદવારો વિશે એક રિપોર્ટ જાહેર કરી છે. આ આંકડાઓને ઉમેદવારી માટે દાખલ એફિડેવિટના આધારે તૈયાર કરવામાં આવી છે.

  એડીઆરની રિપોર્ટ મુજબ મહારાષ્ટ્ર વિધાનસભા ચૂંટણી માટે આ વખતે ચૂંટણી મેદાનમાં 3237 ઉમેદવાર ઉતર્યા છે. તેમા બીજેપીના કુલ 162 ઉમેદવારો છે. જેમાંથી 96 ઉમેદવારો એટલે કે 59 ટકા ઉમેદવારો વિરુદ્ધ ગંભિર ગુના નોંધાયેલા છે. જેમા 9 ઉમેદવાર એવા છે કે જેમના વિરુદ્ધ હત્યા, હત્યાના પ્રયાસ અથવા એવા જ ગંભિર ગુનાના કેસ નોંધાયેલા છે.

જ્યારે કોંગ્રેસમાં 57 ટકા ઉમેદવારો એટલે કે કુલ 83 ઉમેદવારો પર ક્રિમિનલ કેસ નોંધાયેલા છે. જેમાંથી 44 એટલે કે 30 ટકા ઉમેદવારો પર ગંભીર ક્રિમિનલ કેસ નોંધાયેલા છે. જ્યારે શિવસેનાના 48 ટકા અને એનસીપીના 35 ટકા ઉમેદવારો પર ગંભીર મામલાઓમાં ક્રિમિનલ કેસ નોંધાયેલા છે. આ વખતે રાજ્યમાં 916 એવા ઉમેદવાર છે જેમના વિરુદ્ધ સામાન્ય કેસ નોંધાયેલા છે.

કુલ મળીને એડીઆરની રિપોર્ટ મુજબ, 288 વિધાનસભા બેઠકોમાંથી 176 બેઠકો રેડ અલર્ટ બેઠક જાહેર કરાઇ છે. નોંધનીય છે કે, આ એ બેઠકો છે જેમા ઓછામાં ઓછા 3 ઉમેદવારો વિરુદ્ધ ક્રિમિનલ કેસ નોંધાયેલા હોય છે

(9:31 pm IST)
  • પાકિસ્તાનમાં ત્રાસવાદી હુમલો નિષ્ફળ ગયોઃ ૧ આતંકી ઠાર : પાકિસ્તાનમાં મોટો આતંકી હુમલો થયો છેઃ લોરાલઈ જિલ્લામાં પાકિસ્તાની સુરક્ષા દળના વાહન ઉપર આંતકીઓએ હુમલો કરતા ૨ જવાન ઘાયલ થયા છેઃ દરમિયાન આતંકીઓ ઘેરાઈ જતા એક આતંકીએ પોતાને બોંબથી ઉડાવી દીધેલ જયારે બીજો સ્થળ ઉપર જ મૃત્યુ પામેલ access_time 4:05 pm IST

  • છત્તીસગઢમાં બે લાખના ઈનામી સહીત 28 માઓવાદીઓને કર્યું આત્મસમર્પણ : દાંતીવાડા જિલ્લામાં ચાર ઈનામી માઓવાદીઓએ શરણાગતિ સ્વીકારી : રાયપુરથી 340 કી,મી, દૂર કટેકલ્યાણ વિસ્તારમાં સ્થાપિત ચિકપાલ પોલીસ કેમ્પમાં ઉચ્ચ પોલીસ ઓફિસરો અને સીઆરપીએફ અધિકારીઓ સમક્ષ હથિયાર હેઠા મુક્યા :આત્મસમર્પણ કરનારા માઓવાદીઓમાં પલટન નંબર 22 ના સદસ્ય મંગલુ મદકમી અને કટેકલ્યાણ સ્થાનિક સંગઠનના સદસ્ય બામણ કાવાસી છે જેના માથે બે લાખનું ઇનામ હતું : એક આતંકી અને એક મહિલા માઓવાદીએ પણ સરન્ડર કર્યું access_time 12:49 am IST

  • ગોવામાં માદક પ્રદાર્થ સાથે ત્રણ નાઈઝિરિયનની ધરપકડ : ઉતરી ગોવાના કલાંગુતેના જાણીતા દરિયા કિનારે ત્રણ નાઈઝિરિયન નાગરિકો ફર્નિનાન્ડ ઓકોનકોવો (ઉ,વ, 47 ) માઈકલ ઓકફો ( ઉ,વ, 38 ) અને ઓગેચુકવું પ્રિસિયસ અનુતનવાં ( ઉ,વ, 29 ) ને ગોવા પોલીસે પ્રતિબંધિત કોકીન રાખવા બદલ ધરપકડ કરી access_time 12:48 am IST