Gujarati News

Gujarati News

News of Saturday, 20th October 2018

કંપનીએ મોબાઇલ વોટરપ્રૂફ હોવાનો દાવો કર્યો, જજે પાણી મંગાવીને એમાં નાખ્યો

નવી દિલ્હી, તા.૨૦: હરિયાણામાં એક કન્ઝયુમર કોર્ટમાં એક મોબાઇલ કંપની પર ખોટો દાવો કરવા બદલ વળતર માગતો કેસ ગ્રાહકે કર્યો હતો. કંપનીનો દાવો હતો કે એનો મોબાઇલ વોટરપ્રૂફ છે. ગ્રાહકે આ દાવો ખોટો અને જૂઠો પ્રચાર હોવાનો પડકાર આપ્યો. જજ પાસે આ વાત પહોંચી ત્યારે તેમણે કોર્ટમાં જ કોણ સાચું ને કોણ ખોટું એનો ફેંસલો લઇ લીધો. તેમણે પાણી ભરેલો ટબ મગાવ્યું અને એમાં મોબાઇલ ડુબાડી દીધો. પાણીમાંથી બહાર કાઢયા પછી મોબાઇલ બંધ હતો. કોણ સાચું હતું એ વાત સાફ થઇ જતાં જજે કંપનીને આદેશ આપ્યો કે કાં તો ગ્રાહકનો મોબાઇલ રિપેર કરી દે કાં તેની નવો હેન્ડસેટ આપે અથવા તો પછી મોબાઇલની મૂળ કિંમત ગ્રાહકને પાછી આપે. એટલું જ નહીં, આ પ્રકારની હાલાકી માટે ગ્રાહકને સાડાસાત હજાર રૂપિયાનું વળતર આપવાનો આદેશ પણ થયો.

(3:49 pm IST)
  • શકિતસિંહ ગોહિલે મુખ્યમંત્રી રૂપાણીને મોકલી લીગલ નોટીસઃ રૂપાણીના નિવેદન અંગે શકિતસિંહે ફટકારી નોટીસઃ બે અઠવાડીયામાં ખુલાસો આપવાનો કર્યો ઉલ્લેખઃ માનહાનિ અને દિવાની કેસ કરવા નોટીસ ફટકારી access_time 3:34 pm IST

  • અમદાવાદમાં ખેડૂત સમાજની આવતી કાલે મળશે મિટિંગ:ખેડૂતોની સ્થિતિ બગડી રહી છે :રાજ્યમાં દુકાળના ડાકલા વાગી રહ્યા છે:બુલેટ ટ્રેન,સિમેન્ટ ફેકટરી,એક્સપ્રેસ હાઇવે ,સર, વિમાની ચુકવણી જેવા મુદ્દે થશે ચર્ચા:ખાતરના ભાવમાં વધારો,સિંચાઈ માટે વીજળી જેવા અનેક મુદ્દે થશે ચર્ચા access_time 5:23 pm IST

  • બનાસકાંઠાના ગુંદરી ચેકપોસ્ટ પરથી પોલીસે વિદેશી દારૂની 7440 બોટલ અને ટ્રેઈલર સહિત કુલ 38 લાખનો મુદ્દામાલ કબ્જે કર્યો છે પાઉડરની બોરી વચ્ચે સંતાડીને લઈ જવાતો વિદેશી દારૂનો મોટો જથ્થો ઝડપાયો છે પાંથાવાડા પોલીસે બે આરોપીઓની અટકાયત કરી વધુ તપાસ હાથ ધરી છે access_time 7:57 pm IST