Gujarati News

Gujarati News

News of Saturday, 20th October 2018

છત્તીસગઢમાં ચૂંટણી નહીં લડવાની જોગીની જાહેરાત

જોગી વિધાનસભા ચૂંટણી નહીં લડે

રાયપુર, તા. ૧૯ : છત્તીસગઢ વિધાનસભાની ચૂંટણીમાં જનતા કોંગ્રેસ છત્તીસગઢ, ભારતીય કોમ્યુનિસ્ટ પાર્ટી, બહુજન સમાજ પાર્ટીના ગઠબંધન બાદ ત્રીજા મોરચાની રચના કરવામાં આવી છે. હવે જનતા કોંગ્રેસ છત્તીસગઢના અધ્યક્ષ અજીત જોગીના પુત્ર અમિત જોગીએ કહ્યું છે કે, ગઠબંધનના સ્ટાર પ્રચારક હોવાના કારણે અજીત જોગી પોતે વિધાનસભાની ચૂંટણી લડશે નહીં. રાજ્યમાં ચૂંટણી પ્રચાર ઉપર વધારે ધ્યાન કેન્દ્રિત કરશે. આજે અજીત જોગીના પુત્ર અમિત જોગીએ કહ્યું હતું કે, જેસીસી વડા અજીત જોગી વિધાનસભા ચૂંટણી લડશે નહીં. જ્યારે બહુજન સમાજ પાર્ટી અને સીપીઆઈના નેતાઓ માટે પ્રચાર કરશે. ૯૦ સીટો ઉપર પ્રચાર કરવાની યોજના છે. ૯૦ સીટો ઉપર પ્રચારની સાથે સાથે પોતાની સીટ ઉપર ધ્યાન કેન્દ્રિત કરવાની બાબત સરળ દેખાતી નથી. પહેલા કોંગ્રેસમાં રહી ચુકેલા અજીત જોગી છત્તીસગઢના પહેલા મુખ્યમંત્રી તરીકે રહી ચુક્યા છે. રમણસિંહના હાથમાં એક વખતે સત્તા ગુમાવી દીધા બાદ અજીત જોગી ફરીવાર સત્તામાં આવી શક્યા નથી.

(12:00 am IST)
  • પોરબંદરો : ર૪ કલાકમાં બાઇક સળગાવાની બીજી ઘટના ઘટી: આજે રાત્રે ૧૧ વાગેની આસપાસ કોઇ અજાણ્‍યા ઇસમે સત્‍યનારાયણ મંદિર પાસે જીમની નજીક પડેલ બાઇક સળગાવેલ હોય કોઇની નજર પડતા પાણીથી આગ ઠારી નાખતા મોટી જાનહાની અટકી છે. access_time 11:55 pm IST

  • ડાંગના સાપુતારાથી શામહાન નેશનલ હાઈવે પર માલેગામ ઘાટ માર્ગમાં ૨૦૦ ફૂટ ઊંડી ખીણમાં ટ્રક ખાબકી :નાસિકથી રાજસ્થાન જતી હતી ટ્રક access_time 5:33 pm IST

  • સુરત: શહેરમાં સ્વાઈન ફ્લુમાં વધુ 3 કેસ પોઝિટિવ:સ્વાઈન ફ્લૂના પોઝિટિવ કેસની સંખ્યા 112 થઈ:પનાસના 20 વર્ષીય યુવકનો રિપોર્ટ પોઝિટિવ:વેસુની 30 વર્ષની મહિલાનો રિપોર્ટ પોઝિટિવ:વેસુના 59 વર્ષીય પુરુષનો પોઝિટિવ રિપોર્ટ:22 દર્દીઓ હજુ સારવાર હેઠળ: 1ને ડિસ્ચાર્જ કરાયા access_time 9:44 pm IST