Gujarati News

Gujarati News

News of Saturday, 20th October 2018

કંપનીઓ ઉપર નજર રાખવાની ભૂમિકામાં નિષ્‍ફળ રહેલા સ્‍વતંત્ર ડિરેક્ટર્સની હકાલપટ્ટીની દિશામાં વિચારણા

નવી દિલ્હી:સરકાર કોર્પોરેટ બોર્ડ રૂમ્સનાસ્વચ્છતા અભિયાનની વિચારણા કરી રહી છે. જેના ભાગરૂપે કંપનીઓ પર નજર રાખવાની ભૂમિકામાં નિષ્ફળ રહેલા સ્વતંત્ર ડિરેક્ટર્સની હકાલપટ્ટીની દિશામાં વિચાર થઈ રહ્યો છે. જેમ કે, IL&FSના તાજેતરના ઉદાહરણમાં ડિરેક્ટર્સ મહત્ત્વની જવાબદારી નિભાવવામાં નિષ્ફળ રહ્યા હતા.

એક વરિષ્ઠ અધિકારીના જણાવ્યા અનુસાર કંપની બાબતોના મંત્રાલય દ્વારા કંપનીઝ એક્ટની આંતરિક સમીક્ષાને પગલે ભલામણ કરવામાં આવી છે. બોર્ડ રૂમનેસ્વચ્છકરવાની કવાયતમાં કંપનીઝ એક્ટમાં ફેરફાર કરવામાં આવશે. જેને પગલે સરકાર સ્વતંત્ર ડિરેક્ટર્સનું મૂલ્યાંકન કરશે અને તેના તારણને આધારે નેશનલ કંપની લો ટ્રિબ્યુનલ (NCLT)ને ડિરેક્ટર્સની હકાલપટ્ટી કરવાનું જણાવાશે. પ્રસ્તાવ મુજબ પ્રક્રિયા હેઠળ ગેરલાયક ઠરેલા ડિરેક્ટર્સ પાંચ વર્ષ સુધી કોઈ કંપનીમાં હોદ્દો સંભાળી નહીં શકે.

અધિકારીએ જણાવ્યું હતું કે, “ડિરેક્ટર્સની સ્ક્રુટિની માટે આર્થિક બાબતોમાં સ્વચ્છ છબી, દીવાની કે અન્ય કોઈ કેસમાં દોષિત હોવું, સારી પ્રતિષ્ઠા, કાર્યક્ષમતા અને ચારિત્ર્ય સહિતનાં પરિબળો ધ્યાનમાં લેવાશે. વિસ્તૃત માર્ગરેખા થોડા સમય પછી નક્કી કરવામાં આવશે.”

કાયદામાં અત્યારે ડિરેક્ટર્સની યોગ્યતા નક્કી કરવા માટે સરકાર પાસે કોઈ જોગવાઈ નથી. જોકે, RBI અને સેબીએ ભૂમિકા નિભાવતી વ્યક્તિઓ માટેફિડ એન્ડ પ્રોપરશરત નિર્ધારિત કરી છે. કંપનીઝ એક્ટ મુજબ ડિરેક્ટરની ભૂમિકા માટે આર્થિક બાબતોમાં સ્વચ્છ છબી, વિષય અંગેની કુશળતા અને અનુભવ ધરાવતી વ્યક્તિ જરૂરી છે. અધિકારીના જણાવ્યા અનુસાર પ્રસ્તાવ સ્વીકારવામાં આવશે તો સરકાર પ્રારંભિક તબક્કે ઘણું ઊંચુંજાહેર હિતધરાવતી કંપનીઓમાં જોગવાઈનો અમલ કરશે.

સરકારના આંતરિક અહેવાલ મુજબકલમ ૨૪૧ હેઠળની અરજી NCLTની પ્રિન્સિપાલ બેચ સમક્ષ ફાઇલ કરાશે. કેન્દ્ર સરકાર પણ NCLT દ્વારા ડિરેક્ટર્સફિટ એન્ડ પ્રોપરછે કે નહીં તેના તારણ નોંધવા અંગેની અરજી કરશે. NCLTને કોઈ વ્યક્તિફિટ એન્ડ પ્રોપરનહીં જણાય તો તેને બોર્ડ કે કંપની મેનેજમેન્ટ સાથે સંકળાયેલી અન્ય ઓફિસમાં હોદ્દો લેતા અટકાવવામાં આવશે.”

IL&FS બેન્કો અને અન્ય એન્ટિટીને 91,000 કરોડ ચૂકવવાના છે. તેના ડિફોલ્ટને કારણે બજારમાં ગભરાટનો માહોલ ફેલાયો છે અને તેનો રેલો અન્ય નોન-બેન્કિંગ ફાઇનાન્સ કંપનીઓ (NBFCs) હેઠળ આવે તેવી આશંકા છે. ઉલ્લેખનીય છે કે, IL&FS પ્રકરણ પછી સરકારને કંપનીના મેનેજમેન્ટની હકાલપટ્ટી કરી પોતાના નોમિની મૂકવાની ફરજ પડી હતી.

એડ્વાઇઝરી ફર્મ કોર્પોરેટ પ્રોફેશનલ્સના સ્થાપક અને એમડી પવન કુમાર વિજયે જણાવ્યું હતું કે, “કંપનીઝ એક્ટમાં ફેરફારનું પગલું યોગ્ય છે. તેને લીધે ડિરેક્ટર્સના હોદ્દાની જવાબદેહિતા વધશે અને તેમણે સતર્ક રહેવું પડશે. કારણ કે ડિરેક્ટર્સ વિરુદ્ધનો ચુકાદો તેમની ભરોસાપાત્રતાને અસર કરશે. જોકે, NCLT આવા નિર્ણયો સાપેક્ષ માપદંડોના આધારે લે તે જરૂરી છે.”

(12:00 am IST)
  • અમદાવાદમાં ખેડૂત સમાજની આવતી કાલે મળશે મિટિંગ:ખેડૂતોની સ્થિતિ બગડી રહી છે :રાજ્યમાં દુકાળના ડાકલા વાગી રહ્યા છે:બુલેટ ટ્રેન,સિમેન્ટ ફેકટરી,એક્સપ્રેસ હાઇવે ,સર, વિમાની ચુકવણી જેવા મુદ્દે થશે ચર્ચા:ખાતરના ભાવમાં વધારો,સિંચાઈ માટે વીજળી જેવા અનેક મુદ્દે થશે ચર્ચા access_time 5:23 pm IST

  • અમરેલીના ત્રણ લોકોને ગેંગરેપ કેસમાં ફસાવવાની ધમકી આપવાના મામલે ત્રણ આરોપીની ધરપકડ access_time 12:38 am IST

  • ૭૧ કોર્પોરેટરો ઉપરાંત શિક્ષણ સમિતિના ૧૫ સભ્યો સહિત ૮૭નો પગાર વધારો મંજુરઃ રાજકોટઃ આજે જનરલ બોર્ડમાં કોંગ્રેસના ૭૧ કોર્પોરેટરો ઉપરાંત શિક્ષણ સમિતિના ૧૫ સભ્યો સહિત કુલ ૮૭ પ્રતિનિધિઓનો પગાર વધારો મંજુર થઈ ગયો હતોઃ હવે આ તમામને મહિને ૧૫૦૦૦ સુધીનું ભથ્થુ મળશે access_time 3:32 pm IST