Gujarati News

Gujarati News

News of Friday, 20th September 2019

મહારાષ્ટ્ર અને રાજસ્થાનમાં ભારે વરસાદ યથાવત જારી

આગામી બે દિવસ ભારે વરસાદની શક્યતા : હવામાન વિભાગ દ્વારા ૧૫ શહેરોમાં યલો એલર્ટ જાહેર

મુંબઈ,તા.૨૦ : રાજસ્થાનમાં છેલ્લાં કેટલાક દિવસોથી થોડો થોડો વરસાદ થઈ રહ્યો છે. બુધવારે પણ રાજ્યમાં ઘણી જગ્યાએ વરસાદ થયો હતો. આગામી દિવસોમાં પણ હવામાન વિભાગે પૂર્વી રાજસ્થાનમાં વરસાદનું એલર્ટ જાહેર કર્યું છે. રાજ્યના કુલ ૧૫ શહેરોમાં આ એલર્ટ જાહેર કરવામાં આવ્યું છે. તેમાં ભારે વરસાદની શક્યતા જાહેર કરવામાં આવી છે. મહારાષ્ટ્રના મુંબઈ, થાણે અને પાલઘરમાં બુધવાર રાતથી થોડો થોડો વરસાદ થઈ રહ્યો છે. તેના કારણે ઘણાં નીચાણવાળા વિસ્તારોમાં પાણી ભરાઈ ગયા છે. હવામાન વિભાગે મુંબઈમાં બે દિવસ (ગુરુવાર અને શુક્રવારે) પણ ભારે વરસાદનું એલર્ટ જાહેર કર્યું છે. આ દરમિયાન મુંબઈ અને રાયગઢમાં ભારે વરસાદ થઈ શકે છે. સરકારે મહારાષ્ટ્રના ચાર જિલ્લા- મુંબઈ, થાણે, રાયગઢ અને પાલઘરની દરેક સ્કૂલ કોલેજો આજે બંધ રાખવાનો આદેશ આપ્યો છે.

                   સ્કૂલ શિક્ષણ મંત્રી આશીષ શેલારે ટ્વિટ કર્યું છે કે, ભારે વરસાદના અંદાજને ધ્યાનમાં રાખીને મુંબઈ, થાણે અને કોંકડની દરેક સ્કૂલ-કોલેજ બંધ રાખવાનો આદેશ આપ્યો છે. રાજ્યના બાકી જિલ્લા કલેક્ટરોને સ્થાનિક સ્તર પર સ્થિતિને ધ્યાનમાં રાખીને આ નિર્ણય લેવાનો આદેશ આપ્યો છે. હવામાન વિભાગના ડેપ્યૂટી ડિરેક્ટર કેએસ હોસિલ્કરે જણાવ્યું છે કે, બુધવાર રાતથી મુંબઈ અને તેના આસપાસના વિસ્તારોમાં પાણી ભરાઈ ગયા છે. વર્સોવામાં ત્રણ કલાકમાં ૫૦ મિમી વરસાદ પડ્યો છે. મુંબઈ, પાલઘર અને થાણેમાં પણ વરસાદ થઈ શકે છે. મુંબઈમાં બપોરે ૨.૨૦ મિનિટે હાઈ ટાઈડની ચેતવણી આપવામાં આવી છે. આ દરમિયાન દરિયામા ૩.૮૫ મીટર ઉંચા મોજા ઉછળી શકે છે. બીએમસીએ લોકોને એ વિસ્તારોમાં જવાની મનાઈ કરી છે જ્યાં પાણી ભરાય છે અને જે દરમિયા કિનારાની નજીક છે. બીએમસી તરફથી ૧૯૧૬ નંબર જાહેર કરવામાં આવ્યો છે.

(8:00 pm IST)
  • આગામી ૨૩ થી ૨૭ રાજકોટમાં રાજયકક્ષાનો રાસ - ગરબા મહોત્સવ : ૬૦૦ કલાકારો આવશે : રાજકોટમાં ૨૩ થી ૨૭ દરમિયાન પાંચ દિવસ રાજયકક્ષાનો રાસ ગરબા મહોત્સવ : રાજકોટના વિખ્યાત ગ્રુપો સહિત રાજયભરમાંથી વિખ્યાત ૬૦૦ કલાકારો - રાસમંડળીઓ ભાગ લેશે : ઉતારા અંગે કોર્પોરેશનને વ્યવસ્થા : કલેકટરના અધ્યક્ષપદે યુવક સેવાના અધિકારી - જીલ્લા શિક્ષણાધિકારી સાથે મહત્વની મીટીંગ યોજાઈ access_time 1:08 pm IST

  • મુંબઇની પ્રખ્યાત ક્રાફેડ માર્કેટમાં એક બીલ્ડીંગનો મોટો ભાગ ધરાશાયી : ફાયર બ્રિગેડ-એબ્યુલન્સ રવાનાઃ વધુ વિગતો મેળવાઇ રહી છે access_time 1:08 pm IST

  • અમેરિકાના ટેક્સાસ સ્ટેટમાં " ઈમેલડા " વાવાઝોડું ત્રાટક્યું : એક નાગરિકનું પાણીના પુરમાં ડૂબી જવાથી અને બીજાનું કરંટથી મોત : 2 વર્ષ પહેલાના હાર્વે વાવાઝોડાની યાદ તાજી કરાવી : હ્યુસ્ટનમાં 8 ફૂટ ઊંડા પાણીમાં ફસાયેલા વાહનોને બચાવી લેવાની કામગીરી ચાલુ : પાણીના પૂર ઓસરવાનું શરૂ access_time 12:24 pm IST