Gujarati News

Gujarati News

News of Thursday, 19th September 2019

ક્રિષ્ના વોટર પાર્કમાં દરોડામાં નિવૃત DYSP સહીત 30 પોલીસકર્મીની અટકાયત : કુવાડવા ચોકીએ લઇ જવાયા: પોલીસે બેડામાં ખળભળાટ

બહુ લાંબી કાર્યવાહી બાદ તમામના બ્લડ સેમ્પલ લેવા કરાશે કાર્યવાહી

રાજકોટ: રાજકોટની ભાગોળે આવેલ ક્રિશ્ના વોટર પાર્ક પર રાત્રે પોલીસે દરોડા પાડ્યા હતા વોટર પાર્કમાં SOGના નિવૃત્ત કર્મચારીની બર્થડે પાર્ટી ચાલતી હતી. તેમાં દારૂની મહેફિલ ચાલતી હોવાની બાતમીના આધારે પોલીસે દરોડો પાડ્યો હતો  ક્રિશ્ના વોટર પાર્કના તમામ ગેટ બંધ કરી દેવાયા હતા અને  મીડિયા કર્મીઓને બહાર અટકાવી દેવાયા હતા બાદમાં લાંબી કાર્યવાહી બાદ રાત્રે લખાઈ છે ત્યારે મોડીરાત્રે 12-30 વાગ્યે નિવૃત ડીવાયએસપી સહીત 30 પોલીસકર્મીની અટકાયત કરાઈ છે અને તમામને કુવાડવા પોલીસ મથકે લઇ જવાયા છે 

 માહિતી મુજબ SOGના નિવૃત્ત કર્મચારીના જન્મદિવસ નિમિત્તે પાર્ટીનું આયોજન કરવામાં આવ્યું હતું. જેમાં 45થી વધુ ફરજ પરના અને નિવૃત્ત પોલીસ કર્મચારીઓને આમંત્રણ આપવામાં આવ્યું હતું. ક્રિશ્ના વોટર પાર્કમાં મોટા પ્રમાણમાં મોંઘીદાટ ગાડીઓ પાર્ક કરાઈ હોવાનું દેખાઈ રહ્યું હતું પાર્ટીમાં રહેલા કેટલાક લોકો ક્રિશ્ના વોટર પાર્કના પાછળના ભાગેથી દિવાલ કૂદીને ભાગી ગયા હોવાનું પણ જાણવા મળ્યું છે.

    રાજકોટ એસીપી એસ.આર ટંડેલે રેડ અંગે જણાવ્યું હતું પોલીસને ખાનગી રાહે બાતમી મળી હતી કે ક્રિશ્ના વોટરપાર્કમાં પાર્ટી ચાલી રહી છે. અહીં 30 જેટલી વ્યક્તિઓ પાર્ટી હતા. તેમાં પુછપરછમાં જાણવા મળ્યું કે, રિટાયર્ડ પીએસઆઈ રાજભા વાઘેલાના જન્મદિવસની પાર્ટી હતી, જેનું તેમના સાળા દ્વારા આયોજન કરાયું હતું. પાર્ટીમાં 10 જેટલા લોકો નશાની હાલતમાં હતા અને બાકીના 20 લોકોની પણ પુછપરછ કરવામાં આવી છે. નશાની હાલમાં રહેલા 10 વ્યક્તિમાંથી 5ની પાસે પરમીટ હતી, જ્યારે 5 વ્યક્તિ પાસે પરમીટ હતી. પકડાયેલા 30 લોકોમાં એક ડીવાયએસપી,  4 ASI અને 3 કોન્સ્ટેબલ છે

  . અહીં અમે પંચોની સાથે રેડ પાડી છે. અહીં કડકમાં કડક કાર્યવાહી કરીશું. પરમીટ ધરાવતા લોકોનું પણ બ્લડ સેમ્પલ લઈને તેમનો ટેસ્ટ કરાશે. પકડાયેલા 30 લોકો સામે કાયદેસરની કાર્યવાહી કરાશે." 

 

 

(1:16 am IST)
  • સુરતના કામરેજ તાલુકાના દિગસ ગામેથી પસાર થતી તાપી નદીમાં યુવાન ડૂબ્યો: મજૂરી કામ કરતા 23 વર્ષીય આનંદ રાઠોડ નદીમાં ડૂબ્યાની જાણ કરાતા બારડોલી ફાયરે ડૂબેલા યુવાનના મૃતદેહને શોધવાની કામગીરી હાથ ધરી. access_time 9:17 pm IST

  • વિરામ બાદ ફરી રાજકોટમાં મેઘરાજાનું આગમનઃ સાંજે ૫ વાગ્યા સુધીમાં ૦ાા ઈંચ પડી ગયો શહેરના સદર બજાર, ત્રિકોણબાગ, શાસ્ત્રી મેદાન, રેસકોર્ષ, ૧૫૦ ફૂટ રીંગ રોડ, કાલાવડ રોડ, યાજ્ઞિક રોડ, યુનિવર્સિટી રોડ સહિતના વિસ્તારોમાં વરસાદ વરસી ગયોઃ અસહ્ય બફારા બાદ ઠંડક પ્રસરી : ફાયરબ્રિગેડમાં નોંધાયા મુજબ સાંજે ૫ વાગ્યા સુધીમાં સેન્ટ્રલ ઝોન એટલે કે મધ્ય રાજકોટમાં ૧૨ એમ.એમ., વેસ્ટ ઝોન એટલે કે નવા રાજકોટમાં ૧૦ એમ.એમ. અને ઈસ્ટ ઝોન એટલે કે સામાકાંઠે ૮ એમ.એમ. આ મુજબ વરસાદ નોંધાયેલ : આમ, સાંજે રાજકોટમાં હળવા - ભારે વરસાદી ઝાપટાથી ૫ વાગ્યા સુધીમાં અડધો ઈંચ વરસાદ થયાની નોંધ સત્તાવાર રીતે થઈ છે : વરસાદને કારણે ઠંડક પ્રસરતા લોકોને અસહ્ય બફારામાંથી રાહત મળી access_time 5:53 pm IST

  • રવિવારે પણ આરટીઓ કચેરી ચાલુ રાખવા સરકારનો નિર્ણય : રાજકોટઃ નવા નિયમોની અમલવારી માટે વાહન ચાલકો આરટીઓ કચેરીએ ઉમટી પડતા હોય લોકોની સરળતા માટે હવે રવિવારે પણ આરટીઓ કચેરી ચાલુ રખાશે. access_time 6:59 pm IST