Gujarati News

ઇલિનોઇસઃ યુ.એસ.માં શ્રી સ્વામિનારાયણ મંદિર, ૧૫૨૧, એન.રેન્ડ રોડ, પેલેટાઇન, ઇલિનોઇસ મુકામે ૯ સપ્ટેં.૨૦૧૯ સોમવારના રોજ ''જલ જીલણી એકાદશી'' ઉત્સવ ઉજવાઇ ગયો. મહંત શ્રી મુકતાપ્રસાદજીના સાનિધ્યમાં ઉજવાયેલા આ ઉત્સવમાં સેંકડોની સંખ્યામાં ભકતો જોડાયા હતા.

ભગવાનશ્રી તથા ગણેશજીની મૂર્તિને તળાવમાં સ્નાન કરાવી પૂજા, આરતી બાદ ભજનો ગવાયા હતા.

ઉલ્લેખનીય છે કે ઉપરોકત મંદિરમાં તમામ હિન્દુ તહેવારો ઉજવાય છે. તથા કથા વાર્તા,સત્સંગના કાર્યક્રમોના આયોજનો થાય છે. જેનો સેંકડો ભકતો લાભ લ્યે છે.

આગામી દિવસોમાં નવરાત્રિ તથા દિવાળી ઉત્સવ ઉજવાશે તેવું સુશ્રી ઉષા બોડીવાલા તથા શ્રી સુરેશ બોડીવાલા દ્વારા જાણવા મળે છે.