Gujarati News

Gujarati News

News of Thursday, 20th September 2018

નકલી પાસપોર્ટની મદદથી ગુજરાતના લોકોને કેનેડા મોકલવાના કૌભાંડનો પર્દાફાશઃ વ્‍યક્તિદીઠ રૂૂ.પ૦ લાખ ઉઘરાવીને છેતરપિંડી કરનાર ગેંગે ૨ વર્ષમાં રૂૂ.૨૬.પ કરોડ બનાવી લીધા

મુંબઇ: નકલી પાસપાર્ટની મદદથી ગેરકાયદેસર રીતે ગુજરાતના રહેવાસીઓને કેનેડા મોકલવાના કૌભાંડનો પર્દાફાશ થયો છે. આ પાછળની ગેંગે દરેક વ્યક્તિદીઠ રૂ.50 લાખ એમ બે વર્ષમાં કુલ 26.5 કરોડ રૂપિયા બનાવી લીધાનો ઘટસ્ફોટ થયો છે. નકલી પાસપોર્ટ પર 52 ગુજરાતીઓને કેનેડા મોકલાયા હતા. 2017માં જ્યારે કેનેડાથી આ જૂથમાંથી એક વ્યક્તિને ભારત ડીપોર્ટ કરવામાં આવ્યો ત્યારે સમગ્ર રેકેટ પ્રકાશમાં આવ્યું હતું. મુંબઇની સહર પોલીસે સમગ્ર કેસને ગંભીરતાથી લઇને કુલ 16 લોકો સામે ચાર્જશીટ દાખલ કરી છે. જેમાં એજન્ટ, ઈમિગ્રેશન અધિકારી સહિત એવિએશનના સ્ટાફનો સમાવેશ થાય છે. સમગ્ર કેસની તપાસ કરતા અધિકારીને ગેરકાયદેસર પ્રવાસ કરતા પાંચ શખસોનો મુંબઇ એરપોર્ટથી ભેટો થતા સમગ્ર રેકેટનો પર્દાફાશ કરવામાં સફળતા મળી હતી.

પોલીસના દસ્તાવેજને આધારે કુલ 51 ગુજરાતીઓ હાલમાં અમેરિકામાં છે જેઓને કેનેડાથી અમેરિકા ગયા હતા. આ તમામ ગેરકાદેસર પ્રવાસીઓ છે. માવનતસ્કરી કરીને મોકલવામાં આવ્યા હતા. પોલીસના ઉચ્ચ અધિકારીએ જણાવ્યું હતું કે, આ તમામ લોકોમાંથી કોઇની પણ ઓળખ થઇ શકી નથી. મોટા ભાગના પટેલ જ્ઞાતિના હોવાનું જાણવા મળ્યું છે. જેઓ વર્ષ 2015 અને 2017માં દેશમાંથી ગેરકાયદેસર રીતે પોતાના સ્વજનો સાથે સ્થાયી થવાના બહાને કેનેડા પહોંચ્યા હતા.

પોલીસે આ કેસમાં કુલ 21 લોકોની ધરપકડ કરીને કાયદેસરની કાર્યવાહી શરૂ કરી છે. જે પૈકી ત્રણ શખસો વોન્ટેડ લીસ્ટમાં હતા. આ ઉપરાંત આ કેસમાં કુલ 46 સાક્ષીઓના નિવેદન નોંધવામાં આવ્યા હતા. જેઓ પાસે પૂરતા દસ્તાવેજ જેવા કે, નકલી પાસપોર્ટ અને સમગ્ર પ્રવાસની વિગતો છે. સૌથી મોટો અને મુખ્ય પુરાવો ક્લાઈન્ટ અને એજન્ટ વચ્ચે થયેલી વાતચીતના કોલ રેકોર્ડ મળી આવ્યા છે. જેઓ સતત આ કેસ અંગે ચર્ચા કરી રહ્યા છે. જ્યારે કોમલબેન ડબગરને મુંબઇ એરપોર્ટ પર ખોટા પાસપોર્ટને લઇને કેનેડાથી ડીપોર્ટ કરવામાં આવ્યા ત્યારે સમગ્ર રેકેટ સામે આવ્યું હતું. પાસપોર્ટમાં એ નામ તૃપ્તિ કૌર હતું. જેઓ મનજિતસિંઘના દીકરી હોવાનું કહેવામાં આવ્યું હતું. તે ભારતમાંથી તો સિંઘ થઇને ગયા પણ પરત આવ્યા વાસ્તવિકતા બહાર આવી.

પોલીસે કોમલબેનના કેસ પરથી સઘન તપાસ કરતા માલુમ પડ્યું હતું કે, ઓશીવારા વિસ્તારમાં રહેતા સિંઘના પુત્રીના પાસપોર્ટનો ઉપયોગ કરીને સમગ્ર કાવતરું ઘડવામાં આવ્યું હતું. જ્યારે તેના પુત્રએ 15 લોકોને ગેરકાયદેસર રીતે કેનેડા મોકલવામાં મદદ કરી હતી. આ કેસમાં એરપોર્ટ પરના એક પોલીસ કોન્સ્ટેબલની પણ ધરપકડ કરવામાં આવી છે જે આ મામલે લોકોને એરપોર્ટ પરથી ઉડાન માટે જવા દેતો હતો. દરેક વ્યક્તિદીઠ 50 લાખ રૂપિયા ભરી દેવાથી પાસપોર્ટથી લઇને વિઝા સુધીની વ્યવસ્થા કરી આપવામાં આવતી હતી. આ રકમમાં એજન્ટનું કમિશન પણ આવી જતુ હતું. એરપોર્ટ પરનો કોનસ્ટેબલ મધ્યસ્થીનું કામ કરતો હતો. જે આવા પ્રવાસીઓને આગળનું કામ કરી આપતો હતો.

ગુજરાતી વિદેશમાં વસતા કોઇ પરિજનના સતત સંપર્કમાં અને ગુજરાતમાં રહેલા એજન્ટના સંપર્કમાં રહેતા. ગુજરાતમાં રહેલો એજન્ટ મુંબઇમાં રહેલા પોતના એજન્ટને સંપર્ક કરીને વાત કરતો હતો. બે જુદી જુદી એરલાઇન્સ કંપનીના સ્ટાફ બોર્ડિગ પાસની વ્યવસ્થા કરી આપતા હતા. એરપોર્ટ પર રહેલો કોન્સ્ટેબલ સતત એજન્ટના સંપર્કમાં રહેતો જેથી કોને આગળ મોકલી શકાય એની વ્યવસ્થા થતી. મુંબઇનો એજન્ટ ગુજરાતીને પોતાના સંબંધી કે પરિજનના પાસપોર્ટની માગ કરતો. જે પાસપોર્ટ મોટા ભાગે દીકરા, દીકરી, પત્ની કે પોતાના કોઇ સંબંધીઓના હતા. જે વાહકને વિદેશ જવું છે તેની ઉંમર અને જાતિને મેચ કરી નવો પાસપોર્ટ તૈયાર થતો.

જ્યારે કોઇ સંબંધીઓનો પાસપોર્ટ મળે ત્યારે પાસપોર્ટમાંથી વાસ્તવિક જેનો પાસપોર્ટ છે તેનો ફોટો દૂર કરીને જેને વિદેશ મોકલવાનો છે તેનો ફોટો ચોંટાડી દેવામાં આવતો. આમ નકલી પાસપોર્ટના આધારે વિદેશ મોકલવાની પ્રક્રિયા થતી હતી. આમ પાસપોર્ટ તૈયાર થયા બાદ વ્યક્તિની એર ટિકિટ બુક થતી હતી. ફ્લાઇટનો સમય પણ એ જ પસંદ થતો જ્યારે એરપોર્ટ પરનો કોન્સ્ટેબલ હાજર હોય સાથે ગેરકાદેસર ઇમિગ્રેશન ઓફિસર પણ ત્યાં હોય. જે વ્યક્તિના ખોટા પાસપોર્ટ પર સ્ટેમ્પ મારી આપતો હતો. નક્કી થયેલા દિવસે તમામને એરપોર્ટ મોકલવામાં આવતા અને બધુ ગોઠવાય ગયેલું હોવાથી કોઇને આશંકા પણ જતી ન હતી.

(5:05 pm IST)
  • મુખ્યપ્રધાન વિજય રૂપાણીનુ પોરબંદરમા આગમન:ખારવા સમાજ દ્વારા આયોજીત રામદેવજી મહાપ્રભજીના પ્રાગટ્ય મહોત્સવમા ઉપસ્થિત:કાર્યક્રમમાં જનસભાને પણ સંબોધશે મુખ્યપ્રધાન, માછીમારો માટે 11 કરોડના કામોનું કરશે ખાતમહુર્ત access_time 10:53 pm IST

  • ગૃહનું સત્ર પૂર્ણ થતા જ ખેડૂતોને સરકાર પાસે રાહતની આશા સરકાર ટેકાના ભાવની ખરીદી કે ખેડૂતોના દેવા મુદ્દે જાહેરાત કરે તેના પર નજર access_time 3:19 pm IST

  • અમરેલી : ધારી ગીરપૂર્વ વિસ્તારમાં છેલ્લા 11 દિવસમાં 11 સિંહો ના મોત:6 સિંહબાળ સહિત 11 સિંહોના મોતથી વનવિભાગ પણ ચિંતામાં :તમામ સિંહોના મોતનુ કારણ અલગ અલગ: ઈન્ફાઈટ તેમજ ઇન્ફેક્શનના કારણે મોતની સત્તાવાર જાહેરાત કરતુ વનવિભાગ.:વનવિભાગની ટીમ દ્વારા ગીરના સિંહોનુ અવલોકન શરૂ કરવામાં આવ્યુ:સિંહોના મોતથી સમગ્ર જીલ્લામાં અરેરાટી વ્યાપી access_time 10:52 pm IST