Gujarati News

Gujarati News

News of Thursday, 20th September 2018

GSPCએ જનતાના ૧૭,૦૦૦ કરોડ રૂપિયા ડૂબાડ્યાઃ કેગ રિપોર્ટ

૫૪ SPSU ના નફા(૩,૬૪૭) કરતાં આ ૧૪ SPSUનું નુકાશાન પાંચ ગણું વધારે છે

સરદાર સરોવર નર્મદા નિગમ લિમિટેડ (૯૭૩.૫૦ કરોડ ખોટ), ગુજરાત સ્ટેટ રોડ ટ્રાંસપોર્ટ કોપોરેશન GSRTC(૧૮૪.૪૫ કરોડ ખોટ)અને ગુજરાત સ્ટેટ ફાઇનાન્સિયલ કોર્પોરેશન(૧૧૭.૧૮ કરોડની ખોટ) નુકાસાન કરતાં અન્યSPSUછે

મુંબઇ, તા.૨૦: ૨૦૧૬-૧૭માં રાજય સરકાર સંચાલિત પબ્લિક સેકટર અંડરટેકિંગ્સ (SPSUs)ની ૧૪ કંપનીઓને ૧૮,૨૧૪ કરોડનું નુકસાન થયું છે. સૌથી વધુ નુકસાન ગુજરાત સ્ટેટ પેટ્રોલિયમ કોર્પોરેશન (GSPC)ના કારણે થયું છે. બુધવારે વિધાનસભામાં રજૂ કરાયેલા CAG નારિપોર્ટમાં આ ખુલાસો થયો છે. રાજયમાં ૭૭ SPSU છે. ૧૪ SPSUમા કુલ ૧૮, ૨૧૪ કરોડના નુકસાનમાં ૧૭,૦૬૧.૨૦ કરોડ રૂપિયાના નુકસાન સાથે GSPC મોખરે છે. ૫૪ SPSUના નફા (૩,૬૪૭ કરોડ) કરતાં આ ૧૪ SPSU‚નું નુકસાન પાંચ ગણું વધારે છે.

રિપોર્ટ પ્રમાણે, ૨૦૧૫-૧૬માં થયેલો ૧,૬૩૩.૧૨ કરોડ રૂપિયાનો નફો ૨૦૧૬-૧૭માં GSPC નાંઅસામાન્ય નુકસાનને કારણે ૧૪,૭૬૪.૪૩ કરોડની ખોટમાં પરિવર્તિત થયો. SPSUમાં ૨૦૧૨-૧૩માં રોકાણ ૧,૦૨,૬૮૯.૨૧ કરોડ હતું જે વધીને ૨૦૧૬-૧૭માં ૧,૪૯,૪૯૯.૨૨ કરોડ થયું. ૨૦૧૨-૧૩થી૨૦૧૫-૧૬ દરમિયાન રોકાણ પર ૪.૯૫%, ૬.૮૨% વચ્ચે રિટર્ન મળ્યું. જો કે, ૨૦૧૬-૧૭માં ખોટ જતાં રોકાણ પરનું રિટર્ન ગણવામાં આવ્યું નથી.

સરદાર સરોવર નર્મદા નિગમ લિમિટેડ (૯૭૩.૫૦ કરોડ ખોટ), ગુજરાત સ્ટેટ રોડ ટ્રાંસપોર્ટ કોર્પોરેશન (GSRTC) (૧૮૪.૪૫ કરોડ ખોટ) અને ગુજરાત સ્ટેટ ફાઈનાન્સિયલ કોર્પોરેશન (૧૧૭.૧૮ કરોડની ખોટ) નુકસાન કરતાં અન્યા SPSU છે. કેગ રિપોર્ટ મુજબ, ઈન્વેસ્ટમેન્ટ અને લોસના એનાલિસીસમાં બહાર આવ્યું છે કે ૭૭માંથી ૧૧ SPSUની નેટવર્થ ધોવાઈ છે.તો બીજી તરફ ગુજરાત સ્ટેટ પેટ્રોનેટ લિમિટેડ (૭૩૭.૭૯ કરોડ), ગુજરાત મિનરલ ડેવલપમેન્ટ કોર્પોરેશન (૪૪૫.૯૮ કરોડ), ગુજરાત ગેસ લિમિટેડ (૩૦૩.૩૩ કરોડ) જેવા SPSU નફો કરી રહ્યા છે. ૩૧ માર્ચ, ૨૦૧૭માં ૯૧ SPSU માં થયેલું રોકાણ (મૂડી અને લાંબા ગાળાની લોન) ૧,૪૩,૨૧૭.૮૪ કરોડ છે. PSUsમાં ૯૯.૪૪ ટકા રોકાણ થયેલું છે.(૨૨.૧૪)

(4:06 pm IST)
  • એક સાથે બે સિસ્ટમ્સ સક્રિય : આવતીકાલથી પંજાબ સહિત ૫ રાજયોમાં વરસાદી તાંડવની શકયતા: બંગાળના અખાત મધ્યે ડીપ ડીપ્રેશન બન્યુ છે : પશ્ચિમી હિમાલય ઉપર પણ મોટી હલચલ હવામાનને અસર કરશે : પંજાબ - દિલ્હી - હરિયાણા - ઉત્તરપ્રદેશમાં ભારે વરસાદ પડશે : ૧૫ દિવસ ચોમાસુ : છવાયેલુ રહેશે : આવતીકાલે ૨૧ થી ૨૪ વચ્ચે પંજાબ - હરિયાણાના અનેક વિસ્તારોમાં વરસાદ પડશે : કેટલેક સ્થળે ભારે વર્ષા access_time 3:20 pm IST

  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST

  • અમરેલી : ધારી ગીરપૂર્વ વિસ્તારમાં છેલ્લા 11 દિવસમાં 11 સિંહો ના મોત:6 સિંહબાળ સહિત 11 સિંહોના મોતથી વનવિભાગ પણ ચિંતામાં :તમામ સિંહોના મોતનુ કારણ અલગ અલગ: ઈન્ફાઈટ તેમજ ઇન્ફેક્શનના કારણે મોતની સત્તાવાર જાહેરાત કરતુ વનવિભાગ.:વનવિભાગની ટીમ દ્વારા ગીરના સિંહોનુ અવલોકન શરૂ કરવામાં આવ્યુ:સિંહોના મોતથી સમગ્ર જીલ્લામાં અરેરાટી વ્યાપી access_time 10:52 pm IST