Gujarati News

Gujarati News

News of Thursday, 20th September 2018

મોદી સરકારે ચાર વર્ષમાં ૨,૪૨૦ કાયદાઓ

નાબુદ કરી નાંખ્યા : RTIમાં ખુલાસો

નવી દિલ્હી તા. ૨૦ : વડાપ્રધાન નરેન્દ્ર મોદીની સરકારે છેલ્લા ચાર વર્ષમાં હવે દેશનાં ૨,૪૨૦ જેટલાં કેન્દ્રિય કાયદાઓ રદ કરી નાંખ્યા છે. આ કાયદાઓ એવા હતા કે, જેનો હવે કોઇ ઉપયોગ નથી અથવા કામના નથી. માહિતી અધિકારનાં કાયદા (૨૦૦૫) હેઠળ માંગવામાં આવેલી એક માહિતીમાં આ વાતનો ખુલાસો થયો છે.

ઉત્તર પ્રદેશનાં લખનઉના રહેવાસી અને માહિતી અધિકાર કાર્યકર્તા નુતન ઠાકુરે માહિતી અધિકારના કાયદા હેઠળ કાયદા વિભાગ (લેજીસ્લેટિવ ડિપાર્ટમેન્ટ) પાસે માહિતી માંગી હતી. આ માહિતી અરજીના જવાબમાં માહિતી અધિકારીએ માહિતી આપી હતી.

આ માહિતી મુજબ, શરૃઆતમાં રિપીલીંગ એન્ડ એમેન્ડમેન્ટ એકટ, ૨૦૧૫ અંતર્ગત ૩૫ કાયદાઓ રદ કરવામાં આવ્યા હતા. આ પછી ૨૦૧૫માં ૯૦ કાયદાઓ રદ કરવામાં આવ્યા અને ૨૦૧૬ના વર્ષમાં ૧,૦૫૦ કાયદાઓ રદ કરવામાં આવ્યા. ૨૦૧૭ના વર્ષમાં ૨૪૫ કાયદાએ નાબુદ કરવામાં આવ્યા.જુના કાયદાઓ કે જેનો હવે કોઇ ઉપયોગ નથી કે કામના નથી તે કાયદાઓને રદ કરવા માટે વડાપ્રધાન નરેન્દ્ર મોદીએ બે સભ્યોની એક સમિતિની રચની કરી હતી. આ માટે લો-કમિશને એક અહેવાલ કેન્દ્ર સરકારને આપ્યો હતો. આ સિવાય, વિવિધ મંત્રાલયો અને વિભાગોએ પણ કેન્દ્ર સરકારને આ કાયદાઓ રદ કરવા માટે ભલામણો કરી હતી. આ તમામ અહેવાલના આધારે કેન્દ્ર સરકારે છેલ્લા ચાર વર્ષમાં ૨,૪૨૦ કાયદાઓ નાબુદ કર્યા.(૨૧.૨૮)

(4:12 pm IST)
  • ગિરીમથક સાપુતારા ખાતે ગઈકાલે ધોધમાર વરસાદ : સાપુતારા ખાતે વરસાદ પડતા પ્રવાસીઓમાં ખુશીનો માહોલ : વરસાદના પગલે વાતાવરણમાં ઠંડક પ્રસરી access_time 3:05 pm IST

  • શીન્જો આબે ફરી જાપાનના વડાપ્રધાન બનશે : ભારત સાથે ગાઢ દોસ્તી : જાપાનમાં તેમની ઝળહળતી કામગીરી : બીજી વખત સુકાન સંભાળશે : જાપાનની પ્રજાએ ફરી કળશ ઢોળ્યોઃ સામાન્ય ચૂંટણીમાં વિજય access_time 3:06 pm IST

  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST