Gujarati News

Gujarati News

News of Thursday, 20th September 2018

તેલંગાણા ઓનરકિલિંગના CCTV, સસરાએ સરાજાહેર દીકરી - જમાઇને રહેંસી નાખ્‍યા

પરિવારની મરજી વિરૂધ્‍ધ જઇને પ્રેમલગ્ન કરનાર યુગલ પર હુમલાના સીસીટીવી ફૂટેજ સામે આવ્‍યા

હૈદ્રાબાદ તા. ૨૦ : પરિવારની મરજી વિરુદ્ધ જઇને પ્રેમલગ્ન કરનાર યુગલ પર હુમલાના સીસીટીવી ફુટેજ સામે આવ્‍યા છે. ઘટના હેદરાબાદની છે,

સપ્તાહ પહેલા લગ્ન કરનારા યુવતીના પિતાએ સરાજાહેર ધોળા દિવસે ધારદાર હથિયાર વડે હુમલો કર્યો હતો. હુમલામાં યુવકનું ઘટના સ્‍થળે જ મોત નીપજયું હતું, જયારે યુવતીને ગંભીર ઇજાઓ પહોંચી હતી.

તેલંગણામાં સંજીવ રેડ્ડી નગરમાં એર્રાગોડ્ડામાં પ્રેમી યુગલ પોતાના ટૂ વ્‍હીલરમાં બેસી બહાર જવાની તૈયારી કરી રહ્યું હતું, આ દરમિયાન યુવતીના પિતા મનોહર પણ પોતાની બાઇક લઇને ત્‍યાં પહોંચી ગયો અને બેગમાંથી એક હથિયાર કાંઢી હુમલો કર્યો હતો.

CCTV ફુટેજમાં દેખાઇ રહ્યું છે કે યુવતીના પિતા મનોહરે પોતાનું મોટરસાઇકલ ઉભું રાખ્‍યું અને બેગમાંથી દાંતરડા જેવું એક હથિયાર બહાર કાઢ્‍યું. ત્‍યારબાદ તુરંત તેણે પહેલો વાર જમાઇ પર કર્યો.

પતિ પર હુમલો રોકવા હુમલાખોર મનોહરની પુત્રી વચ્‍ચે પડી હતી. આરોપી મનોહરે તેના પર પણ હુમલો કર્યો હતો.

એક પછી એક ત્રણ વાર કર્યા બાદ યુવક ત્‍યાંજ ઢળી પડ્‍યો. આ દરમિયાન પુત્રીએ પિતાને રોકવાના પ્રયાસ કર્યો પરંતુ પિતા મનોહરે પુત્રી પર વાર કરવાનું શરૂ કર્યું.

આ દમરિયાન રસ્‍તે જતાં લોકોએ મનોહરને રોકવાનો નિષ્‍ફળ પ્રયાસ પણ કર્યો હતો. ઘટના બાદ પ્રેમી યુગલને નીલમા હોસ્‍પિટલમાં ભરતી કરવામાં આવ્‍યા છે. યુવતીની હાલત વધુ ગંભીર હોવાનું બહાર આવતાં તેણીને યશોદા હોસ્‍પિટલમાં દાખલ કરવામાં આવી છે.

 

(11:02 am IST)
  • શીન્જો આબે ફરી જાપાનના વડાપ્રધાન બનશે : ભારત સાથે ગાઢ દોસ્તી : જાપાનમાં તેમની ઝળહળતી કામગીરી : બીજી વખત સુકાન સંભાળશે : જાપાનની પ્રજાએ ફરી કળશ ઢોળ્યોઃ સામાન્ય ચૂંટણીમાં વિજય access_time 3:06 pm IST

  • નાની બચત યોજનાના વ્યાજ દર વધ્યા : પીપીએફ- એનએસસી ઉપર ૮ ટકા જયારે કેવીપી ઉપર ૭.૭ ટકા વ્યાજ મળશેઃ સુકન્યા સમુધ્ધિ યોજનામાં ૮.૫ ટકા વ્યાજ મળશેઃ પીપીએફ તથા એનએસસી પર વ્યાજનો દર ૭.૬ ટકાથી વધારી ૮ ટકા કરાયોઃ ૧ ઓકટોબર થી ૩૧ ડિસેમ્બર સુધીમાં રોકાણ કરનારને મળશે લાભ access_time 1:37 pm IST

  • કરાઈ પાસે સાબરમતી નદીમાં અમદાવાદના 10 યુવકો ડૂબ્યા : ગાંધીનગર નજીક કરાઈ પાસે સાબરમતી નદીમાં ગણેશ વિસર્જન વેળાએ અમદાવાદના ચાંદલોડીયા વિસ્તારના 10 યુવકો ડૂબ્યા : ફાયર બ્રિગેડ દ્વારા 7 યુવકોને બચાવી લેવાયા: બાકીના 3 યુવકોની શોધખોળ શરૂ કરાતા 1 યુવકની લાશ મળી: હજુ પણ 2 યુવકોની શોધખોળ ચાલુ access_time 1:02 am IST