Gujarati News

Gujarati News

News of Thursday, 20th September 2018

૨ ઓકટો. ૨૦૧૯ના રોજ આવનારી મહાત્મા ગાંધીની ૧૫૦મી જન્મ જયંતિને યાદગાર બનાવોઃ અમેરિકાના પોસ્ટલ ડિપાર્ટમેન્ટ દ્વારા સ્ટેમ્પ બહાર પાડવામાં આવે તે માટે પત્ર ઝુંબેશ શરૃ કરોઃ 'હેલ્લો NRI'નો અનુરોધ

 

વોશિંગ્ટન ડીસીઃ આગામી ૨ ઓકટો. ૨૦૧૯ના રોજ મહાત્મા ગાંધીની ૧પ૦મી જન્મ જયંતિને અનુલક્ષીને ટપાલ ટિકિટ બહાર પાડવા યુ.એસ. પોસ્ટલ સર્વિસ (USPS)ને વિનંતી કરવા તમામ NRI મિત્રોને વિનંતી કરવામાં આવી છે. જે માટે સિટીઝન્સ સ્ટેમ્પ એડવાઇઝરી કમિટી, 475 L' Enant પ્લાઝા SW, રૃમ ૩૩૦૦, વોશિંગ્ટન ડીસીને પત્ર લખવા જણાવાયું છે.

પત્રનું ફોર્મેટ પણ આ સાથે જોડવામાં આવ્યું છે. વ્યકિતગત અથવા સંસ્થાગત પત્ર લખી શકાય છે. જો કોઇ ઓર્ગેનાઇઝર વતી પત્ર લખવાનો હોય તો તેમાં મેમ્બર્સની સંખ્યા અચૂક લખવા જણાવાયું છે.

ફોર્મેટનો ઉપયોગ કર્યા સિવાય સ્વતંત્રપણે પત્ર લખવો હોય તો તેઓ મહાત્મા ગાંધીએ સમગ્ર વિ/શ્વને આપેલો અહિંસા તથા શાંતિ અને ભાઇચારાના સંદેશનો ઉલ્લેખ કરવો. જોએના વ્યકિતત્વમાંથી માર્ટીન લ્યુથર કિંગ, દલાઇ લામા, નેલ્સન મંડેલા સહિતના મહાનુભાવોએ પણ પ્રેરણા લીધી છે.

વધુમાં વધુ સંખ્યામાં પત્ર મોકલવાથી આપણી વિનંતી માન્ય રહી શકે છે તેવી સહુને વહેલી તકે પત્ર લખી મોકલવા હેલ્લો NRI વતી શ્રી પ્રવિણ તંબોલીની યાદીમાં જણાવાયું છે.

(10:39 pm IST)
  • પાકિસ્‍તાની સૈનિકોએ બર્બરતાની હદ વળોટી : ભારતીય જવાન ઉપર ભયાનક ક્રૂરતા આચરી : આંખો કાઢી લીધી : વીજ કરંટ આપ્‍યા અને ગોળી ધરબી દીધી : બીએસએફનો જવાન આંતરરાષ્‍ટ્રીય સરહદે ફરજ બજાવતા શહીદ થયો : નરાધમોએ ગળુ કાપી નાખ્‍યુ : હવે યુદ્ધ એ જ કલ્‍યાણ : દેશવાસીઓમાં ફાટી નીકળેલો પ્રચંડ રોષ : પાકિસ્‍તાનને જબરો સબક શીખવવા ચારેકોર ઉઠેલી માંગણી access_time 12:47 pm IST

  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST

  • ગિરીમથક સાપુતારા ખાતે ગઈકાલે ધોધમાર વરસાદ : સાપુતારા ખાતે વરસાદ પડતા પ્રવાસીઓમાં ખુશીનો માહોલ : વરસાદના પગલે વાતાવરણમાં ઠંડક પ્રસરી access_time 3:05 pm IST