Gujarati News

Gujarati News

News of Saturday, 20th July 2019

ઈરાકી સરહદ સામે સાઉદી અરેબીયામાં લશ્કર અને મિસાઈલો ખડકી દેતું અમેરિકા

ઈરાકની ભૂમીનો ઉપયોગ કરી ઈરાન હવે પછી ઈઝરાયલ અને અમેરિકી મથકોને નિશાન બનાવી હુમલા કરે તેવો ભય

વોશિંગ્ટન, તા. ૨૦ :. ઈરાકી સરહદની બરાબર સામે આવેલ સાઉદી એરબેઝ ઉપર ઈરાક સરહદ સામે ટ્રમ્પે ૫૦૦ અમેરિકી સૈનિકો ખડકી દીધા છે. ટ્રમ્પ વહીવટી તંત્ર દ્વારા ૧૦૦૦ સૈનિકો અહીં મુકવામાં આવનાર છે. આ સાથે જ અહીં પેટ્રીઅટ અણુ મિસાઈલો પણ ગોઠવી દેવામાં આવી છે. સાઉદી અરબના એરબેઝ ઉપર સતત બીજી વખત ઈરાન તરફી તત્વોએ ડ્રોન હુમલો કરતા આ પગલુ લેવાયુ છે.

દરમિયાન લંડનમાં રોયલ નેવીએ જાહેર કર્યુ છે કે ઓઈલ ટેન્કરોને એસ્કોર્ટ કરવા માટે ગલ્ફ વિસ્તારોમાં ત્રીજું અમેરિકી યુદ્ધ જહાજ 'એચએમએસ કેન્ટ' મોકલવામાં આવ્યુ છે.

આ વિસ્તારમાં આવેલ અમેરિકન ટાર્ગેટ અને સાથી અમેરિકી દળો ઉપર હવે પછી ઈરાકને મુખ્ય મથક બનાવી ઈરાન હુમલાઓ કરે તેવી પુરી શકયતાઓના પગલે અમેરિકા આ વિસ્તારમાં વધુ ક્રૂમકો-મિસાઈલો ખડકી રહ્યાનું ઈઝરાયલી વર્તુળો જણાવે છે.

અમેરિકી વિદેશ મંત્રી માઈક પોમ્પીઓએ તાજેતરમાં જ નિર્દેશ આપ્યા હતા કે અમેરિકા બગદાદ (ઈરાક) ખાતેની એલચી કચેરી બંધ કરી તે દેશમાં રહેલા અમેરિકી રાજદ્વારીઓને હટાવી લેવા માગે છે. ઈરાનના અમેરિકી વિરોધી હુમલાઓનું હવે પછીના નિશાનમાં ઈઝરાયલ હોવાનું અને આ હુમલાઓ પણ ઈરાક તરફથી આવશે તેમ ઈઝરાયલી જાસુસી તંત્રના વર્તુળો માની રહ્યા છે.

(1:11 pm IST)
  • બેંગલુરુમાં મટનના નામે વેચાઈ છે કૂતરાઓનું માંસ !!:બેંગ્લુરુમાં શ્વાનના માંસ અંગે કહેવાય છે કે કુતરાઓને કસાઇખાનામાં કપાવાઈને હોટલો અને મટનની દુકાનોમાં વેચાઈ રહ્યું છે: વાસ્તવમાં બેંગ્લુરમાંરેજિડેન્ટ વેલ્ફેર એસો,એ તામિલનાડુની એક એજન્સીને કુતરાઓને હટાવવા કોન્ટ્રાકટ આપ્યો છે :દાવો કરાયો છે કે આ કુતરાઓને કાપીને માંસ વેચાઈ છે access_time 1:26 am IST

  • જિયોએ વધુ એક સીમાચિહ્ન સર કર્યું: પ્રથમ ત્રિમાસિક ગાળામાં 1,090 કરોડ જીબી ડેટાનો વપરાશ થયો: કાર્યકારી આવક 11,679 કરોડ : મહિનામાં સરેરાશ માથાદીઠ વપરાશ 11.4 જીબી અને મહિને યુઝરદીઠ સરેરાશ વોલ્ટવોઇસનો વપરાશ 821 મિનિટ: વ સબસ્ક્રાઇબરની સંખ્યામાં મોટો વધારો, મહિને સરેરાશ 11 મિલિયિન સબસ્ક્રાઇબર ઉમેરાયાં access_time 9:07 am IST

  • મુકેશ અંબાણીએ સતત ૧૧ વર્ષથી પગાર વધારો નથી લીધોઃ વર્ષે રૂ. ૧પ કરોડનો પગાર લ્યે છેઃ ર૦૦૮-૦૯ માં તેમનો પગાર અને ભથ્થા રૂ. ૧પ કરોડ નકકી થયા હતા access_time 3:24 pm IST