Gujarati News

પુણે, તા.૧૦: મહારાષ્ટ્રના પુણેમાં ગઇકાલે મોડી રાત્રે ગમખ્વાર અકસ્માતની દૂર્ઘટના ઘટી. જેમાં પુણેના કદમવાક ગામ નજીક પુણે-સોલાપુર નેશનલ હાઇવે પર કાલે રાત્રે ટ્રકની ટક્કરથી કારમાં સવાર ૯ લોકોનાં મોત નિપજયાં છે. તમામ મૃતકો પુણેના યાવત ગામના રહેવાસી છે.

પુણામાં ગત મોડી રાત્રે કદમવાક ગામ નજીક પુણા-સોલાપુર હાઇવે પર કાર અને ટ્રક વચ્ચે ગોઝારા અકસ્માતમાં ૯ લોકોનાં મોત થયા છે. તમામ મૃતકો પુણેના યાવત ગામનાં રહેવાસી હોવાનું જાણવા મળ્યું છે. આ ઘટનાની જાણ થતાં જ ફાયરબ્રિગેડ અને પોલીસનો કાફલો ઘટના સ્થળે પહોંચી ગયો હતો.

તમામ મૃતદેહને નજીકની હોસ્પિટલ ખાતે લઇ જવામાં આવ્યા છે તથા આ મામલે કાયેદસરની કાર્યવાહી કરવામાં આવી રહી છે. આ બંને વચ્ચે ટક્કર એટલી ભયંકર હતી કે કારમાંથી મૃતદેહ બહાર નીકાળવા માટે પણ ટીમને ઘણી મુશ્કેલી પડી હતી. પોલીસે અકસ્માતને લઇ તપાસ હાથ ધરી છે. આ સાથે સાથે તપાસ કરવામાં આવી રહી છે કે અકસ્માતનું કારણ કયું છે.