Gujarati News

Gujarati News

News of Saturday, 20th July 2019

સમગ્ર વિવાદ માટે કોંગી જ જવાબદાર છે : યોગી આદિત્યના

કોંગી શાસનમાં ઘટનાક્રમ થયો હતો

લખનૌ, તા.૧૯ : સોનભદ્ર જિલ્લામાં ૧૦ લોકોની ઘાતકી હત્યાના મામલામાં રાજનીતિ ગરમી પકડી રહી છે ત્યારે મુખ્યમંત્રી યોગી આદિત્યનાથે આજે સમગ્ર વિવાદ માટે કોંગ્રેસને જવાબદાર ઠેરવીને વળતા પ્રહાર કર્યા હતા. તેમણે કહ્યું હતું કે, કોંગ્રેસના શાસનકાળ દરમિયાન વનવાસીઓની જમીનને એક સોસાયટીના નામ ઉપર કરી દેવામાં આવી હતી. તેમણે કહ્યું હતું કે, ત્રણ સભ્યોની તપાસ સમિતિ બનાવવામાં આવી છે જે ૧૦ દિવસની અંદર અહેવાલ સોંપનાર છે.

           મુખ્યમંત્રીએ કહ્યું હતું કે, સોનભદ્રની ઘટના દુર્ભાગ્યપૂર્ણ છે. ૧૯૫૫થી ૧૯૮૯ સુધી જમીન આદર્શ સોસાયટીના નામ ઉપર હતી. ૧૯૮૯માં આ જમીન એક વ્યક્તિના નામ ઉપર ચઢાવી દેવામાં આવી હતી. આદર્શ સોસાયટીના નામ ઉપર જમીન હોવા છતાં આદિવાસી ખેતી કરી રહ્યા હતા. કેટલાક લોકો ટેક્સ સોસાયટીને આપી રહ્યા હતા. જે લોકોએ આ જમીનને પોતાના નામ ઉપર કરી હતી તે લોકો જમીન પર કબજો કરી શક્યા ન હતા. તેમણે કહ્યું હતું કે, ૧૯૮૯માં આને અન્યને વેચી દેવામાં આવી હતી. વનવાસી આ જમીન પર ખેતી કરતા રહ્યા હતા. આ સમગ્ર પ્રકરણની જડ સુધી જવામાં આવે તો કોંગ્રેસની સરકારના ગાળા દરમિયાન ૧૯૫૫માં સ્થાનિક લોકોની જમીનને કબજે કરવા માટે ગ્રામ સમાજની જમીનને આદર્શ સોસાયટીના નામ ઉપર કરી દેવામાં આવી હતી ત્યારબાદ જમીનને ૧૯૮૯માં બિહારના એક આઈએએસના નામ ઉપર કરી દેવામાં આવી હતી.

(12:00 am IST)
  • શ્રાવણના દરેક સોમવારે તાજમહેલમાં શિવસૈનિકો આરતી ઉતારશે : સિકયુરીટી વધારી દીધી : શિવસેનાએ જાહેર કર્યુ છે કે આગામી ૨જી ઓગષ્ટથી શરૂ થઈ રહેલ શ્રાવણ મહિનાના પ્રત્યેક સોમવારે ઉ.પ્ર.ના જગપ્રસિદ્ધ તાજમહેલમાં શિવસૈનિકો આરતી કરશેઃ આ જાહેરાતના પગલે તાજમહેલ ફરતી સિકયોરીટી વધારી દેવામાં આવી છેઃ શિવસૈનિકો આરતી કરવામાં સફળ રહેશે તો મોટી ધમાલ સર્જાવાનો ભય સેવાઈ રહ્યો છે access_time 1:08 pm IST

  • જિયોએ વધુ એક સીમાચિહ્ન સર કર્યું: પ્રથમ ત્રિમાસિક ગાળામાં 1,090 કરોડ જીબી ડેટાનો વપરાશ થયો: કાર્યકારી આવક 11,679 કરોડ : મહિનામાં સરેરાશ માથાદીઠ વપરાશ 11.4 જીબી અને મહિને યુઝરદીઠ સરેરાશ વોલ્ટવોઇસનો વપરાશ 821 મિનિટ: વ સબસ્ક્રાઇબરની સંખ્યામાં મોટો વધારો, મહિને સરેરાશ 11 મિલિયિન સબસ્ક્રાઇબર ઉમેરાયાં access_time 9:07 am IST

  • સોનભદ્ર જવા પ્રિયંકા મક્કમ :જમીન લેવા કર્યો ઇન્કાર :કહ્યું જેલમાં જઈશ ;સોનભદ્ર હત્યાકાંડના પીડિતોને મળવા જતા પ્રિયંકા ગાંધીના કફલને અટકાવ્યો :નારાયણપુરા પોલીસ સ્ટેશન પાસે પ્રિયંકાના કાફલાને રોક્યો access_time 1:29 am IST