Gujarati News

Gujarati News

News of Monday, 20th May 2019

ભાવિ રણનીતિ ઘડાશે

એકિઝટ પોલ આવતા જ રાજકીય ગરમાવો, NDA એ બોલાવી બેઠક

નવી દિલ્હી, તા.૨૦: એકિઝટ પોલ આવતા જ રાજકીય ગરમાવો આવી ગયો છે. હવે એનડીએના લીડર્સ ૨૧મીએ બેઠક કરશે, આ બેઠક માટે તમામ નેતાઓને દિલ્હી બોલાવવામાં આવ્યા છે. માનવામાં આવી રહ્યું છે કે ૨૩ મેએ આવનારા પરિણામને ધ્યાને રાખી આગળની રણનીતિ પર વાત કરવામાં આવશે. જો કે બેઠકની આગેવાની કોણ કરશે તે હાલ જાણવા મળ્યું નથી.

એકિઝટ પોલના પરિણામમાં એનડીએને રેકોર્ડબ્રેક જીત મળી રહી છે, અનુમાન છે કે લોકસભા ચૂંટણી ૨૦૧૯ના પરિણામમાં ૩૩૬ સીટ મળી શકે છે. તો યુપીએ માત્ર ૮૨ સીટ પર જ સમેટાઇ જશે. અન્યને ૧૨૪ સીટ પર જીત મળવાની આશા છે. જયાં એનડીએને કુલ શેર અંદાજે ૪૮.૫ ટકા રહેવાની આશા છે. યુપીએને ૨૫ ટકા પર જ સંતોશ માનવો પડશે.

કહેવામાં આવી રહ્યું છે કે એકિઝટ પોલ પર દેખાઇ રહેલી સફળતાને લઇને હવે ભાજપને સરકાર બનાવવાનો વિશ્વાસ આવી ગયો છે. આ કારણે હવે ૨૧ મેએ બોલાવવામાં આવેલી બેઠકમાં સરકાર બનાવવાને લઇને ચર્ચા થઇ શકે છે. આ દરમિયાન NDAમાં સામેલ અન્ય દળના નેતાઓની સાથે ભવિષ્યની રણનીતિ નક્કી કરવામાં આવશે.

(11:44 am IST)
  • સૌરાષ્ટ્ર-કચ્છ-ઉત્તર ગુજરાતમાં વાતાવરણ પલ્ટાશે : બે દિવસ થંડરસ્ટ્રોમની આગાહી રાજકોટમાં ૪૦ ડિગ્રી : હવામાન વિભાગે બે દિવસ ફરી વરસાદની આગાહી કરી છે : સૌરાષ્ટ્ર, કચ્છમાં જોરદાર પવન ફૂંકાશે : બનારસકાંઠા અને સાબરકાંઠામાં સામાન્ય વરસાદ પડશે : રાજકોટમાં બપોરે ૩ વાગ્યે ૪૦ ડિગ્રી તાપમાન છે : ફરી ગરમીમાં આંશિક વધારા સાથે ૧૬ કિ.મી.ની ઝડપે ગરમ પવન ફૂંકાઈ રહ્યા છે access_time 4:26 pm IST

  • ચૂંટણી પરિણામ પહેલા પંજાબ કોંગ્રેસમાં કકળાટ ચરમસીમાએ :કેપ્ટન અમરિંદર સિંહે કહ્યું સિદ્ધુ મને હટાવી પોતે સીએમ બનવા માંગે છે:તેઓએ કહ્યું મારી અને નવજોત સિંહ સિદ્ધુ વચ્ચે ટિપ્પણીનું કોઇ પણ યુદ્ધ નથી ચાલી રહ્યું. જો તેઓ મહત્વકાંક્ષી છે તો ઠીક છે: લોકોની પાસે મહત્વકાંક્ષા હોય છે : હું સિદ્ધુને બાળપણથી જાણુ છું. તેઓપંજાબના મુખ્યમંત્રી બનવા માંગે છે અને તેના કારણે તેઓ મને હટાવવા માંગે છે access_time 1:35 am IST

  • નરેન્દ્રભાઈ મોદી જ બનશે વડાપ્રધાન પરંતુ કેટલાક મુદ્દે ભાજપથી અમારી વિચારધારા અલગ છે :બિહારના મુખ્યમંત્રી નીતીશકુમારે કહ્યું કે અમને આશા છે કે કેન્દ્રમાં વડાપ્રધાન મોદીના નેતૃત્વમાં આગામી સરકાર બનશે અને જેડીયુ તેમાં સામેલ થશે :નીતીશકુમારે સ્પષ્ટ કર્યું કે પાર્ટી ધારા-370,સમાન નાગરિક સંહિતા,અને અયોધ્યા વિવાદ પર પોતાની પાર્ટીની અલગ વિચારધારા છે access_time 1:36 am IST