News of Sunday, 20th May 2018

ક્યુબામાં વિમાન દુર્ઘટનામાં 110 લોકોના મોત : બે દિવસીય રાષ્ટ્રીય શોક જાહેર

ક્યુબામાં વિમાન દુર્ઘટનામાં 110 લોકોના મોત નિપજ્યા છે. શનિવારે એક 39 વર્ષ જૂનુ પ્લેન ક્રેશ થઈ ગયુ છે. જેમા ક્યુબાની સરકારે 110 લોકોના મોતની પૃષ્ટિ કરી છે આ દુર્ઘટના ક્યુબાની રાજધાની હવાનાના હોઝે માર્ટી એરપોર્ટ પર બની છે. આ ક્યુબાની સરકારી એયરલાઈન ક્યૂબાના ડે એવિએશન નું બોઈંગ 737 વિમાન હતુ.

   વિમાન હવાનાથી હોલગન જઈ રહ્યુ હતુ. તેમાં ક્રૂ મેમ્બર સહિત 110 લોકો સવાર હતા.આ ઘટનામાં તમામ લોકોના મોત નિપજ્યા છે. ક્યૂબાના રાષ્ટ્રપતિ મિગેલ ડિયાઝ કનેલે ઘટનાસ્થળ પર પહોંચી શોક વ્યક્ત કર્યો હતો.

મેક્સિકન અધિકારીઓનું કહેવુ છે કે આ વિમાન 1979માં બન્યુ હતુ અને ગયા વર્ષે નવેમ્બરમાં તેની તપાસ કરવામાં આવી હતી. મેક્સિકન કંપની એરોલાઈન્સ દામોજે ક્યૂબાની સરકારી વિમાન કંપની ક્યૂબન ડી એવિયેશનને આ વિમાન ભાડે આપ્યુ હતુ. ક્યૂબામાં 1980 બાદ થનારી સૌથી મોટી વિમાની દુર્ઘટના છે. વિમાન દુર્ઘટના બાદ ક્યૂબામાં 2 દિવસીય રાષ્ટ્રીય શોકની જાહેરત કરી છે.

(5:54 pm IST)
  • શાપર વેરાવળમાં આવેલ એન્ટ્રી કાસ્ટ નામના કારખાનામાં ભયાનક આગ ફાટી નીકળી છે.વિગતો મેળવાય રહી છે. access_time 6:13 pm IST

  • વધુ એક બોલીવુડ કપલ ભંગાણના આરે : અભિનેતા અર્જુન રામપાલ રહે છે પત્નીથી અલગ : બોલિવુડમાં વધુ એક કપલનું લગ્ન જીવન ભંગાણને આરે છે. બોલિવુડ અભિનેતા અર્જુન રામપાલ અને તેની પત્ની મેહર જેસીયાના સંબંધો અંગે ભારે ચર્ચા ચાલી રહી છે. રિપોર્ટ અનુસાર અર્જુન અને મેહર એક સાથે નથી રહેતા. અર્જૂને પોતાનું ઘર છોડી દીધુ અને અલગ રહે છે. ઉલ્લેખનીય છે કે, છેલ્લા એક વર્ષથી આ બંનેના છૂટાછેડા અંગે ઘણાં સમાચાર સાંભળવા મળ્યા છે. access_time 12:43 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST