Gujarati News

Gujarati News

News of Tuesday, 20th April 2021

દ્વિતીય અને તૃતિય શ્રેણીના શહેરોમાં વાયરસ ફેલાઇ રહ્યો છે ! રસી લેવા લોકોને ડોકટરો પ્રોત્સાહિત કરે : નરેન્દ્રભાઇ

નવી દિલ્હી : લોકો રસી લેવા તૈયાર થાય તે માટે લોકોમાં જાગૃતતા ફેલાવવા માટે તબીબોને વ્યાપક પ્રયાસો હાથ ધરવા વડાપ્રધાન શ્રી નરેન્દ્રભાઇ મોદીઅઅપીલ કરી હતી.

વડાપ્રધાન શ્રી નરેન્દ્રભાઇ મોદીએ ઓનલાઇન યોજાયેલ ચર્ચામાં જણાવ્યું હતુ કે, હાલમાં દ્વિતીય અને તૃતિય શ્રેણીના શહેરોમાં વાયરસ ઝડપથી ફેલાઇ રહ્યો છે. આથી ડોકટર્સે આવા શહેરોમાં ફરજ બજાવતા તબીબો સાથે ઓનલાઇન  કન્સલ્ટેશન કરવા તથા ટેલિમેડીસીન જેવી આધુનીક ટેકનોલોજીનો ઉપયોગ કરવા પણ જણાવ્યુ હતુ.

બેઠકમાં ચર્ચાયેલા મુદ્દા અનુસાર  કેન્દ્ર સરકાર પોતાના ભાગની રસીનો જથ્થો પણ રાજયોની જરૂરિયાત મુજબ તેમને આપશે. આ ઉપરાંત જે રાજયોમાં કોરોના કેસોની સંખ્યા વધારે હશે તેવા રાજયોને અન્ય રાજયોની તુલનાએ રસીનો વધુ જથ્થો ઉપલબ્ધ બનાવવામાં આવશે.

વડાપ્રધાને ફાર્મા કંપનીઓને પણ રસીના ઉત્પાદનને ઝડપી બનાવવા અપીલ કરી હતી. ભારતમાં કોરોના  વાયરસ સામેના વેકસીન અભિયાનમાં અત્યાર સુધીમાં ૧૨ કરોડથી વધુ લોકોને રસી અપાઇ ચુકી છે.

અન્ય દેશોની તુલનાએ ભારતમાં રસીકરણનું અભિયાન ઘણી ઝડપથી આગળ વધી રહ્યુ હોવાનુ નરેન્દ્રભાઇએ જણાવેલ.

(3:09 pm IST)
  • શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના તમામ ઔદ્યોગિક ઝોન બુધ-ગુરૂ બે દિવસ બંધ રહેશે : કોરોનાની મહામારીની પરિસ્થિતિને ધ્યાનમાં લઈ તા. ૨૧ અને ૨૨ (બુધ - ગુરૂ) માટે શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના ઔદ્યોગિક ઝોનના તમામ ઍકમો બંધ રહેશે તેમ શાપર વેરાવળ ઈન્ડસ્ટ્રીયલ ઍસોસીઍશનના રમેશભાઈ ટીલાળા, રતિલાલ સાડરીયા અને કિશોરભાઇ પટેલે જણાવ્યુ છે access_time 1:04 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • ભારતમાં આજે પણ અઢી લાખ ઉપર નવા કોરોના કેસ: મૃત્યુ આંક પોણા બે હજાર અને સાજા થયા ૧.૫૪ લાખ: અમેરિકામાં ૫૧ હજાર: બ્રાઝિલમાં ૩૪ હજાર: જર્મનીમાં ૧૩,૦૦૦ કેનેડામાં ૧૦ હજાર: રશિયામાં આઠ હજાર: ઇંગ્લેન્ડમાં ત્રણ હજાર: યુનાઇટેડ આરબ અમીરાતમાં 1809 નવા કોરોના કેસ: વિશ્વભરમાં કોરોનાનો નવો સપાટો હાહાકાર મચાવી રહ્યો છે access_time 12:05 pm IST