Gujarati News

Gujarati News

News of Tuesday, 20th April 2021

શાપર – મેટોડા - આજી GIDC - રાજકોટ એન્જી. એસો.ના પ થી ૬ હજાર કારખાના કાલથી બે દિવસ સ્વૈચ્છિક બંધ

બંને દિવસનો હજારો શ્રમીકોને પગાર મળશેઃ લોકોને બહાર ન નીકળવા અપીલ

રાજકોટ તા. ર૦: શાપર-વેરાવળ એસો.ના ચેરમેનશ્રી રમેશભાઇ ટીલાળાએ આજે ''અકિલા'' સાથેની વાતચીતમાં મહત્વની જાહેરાત કરતા જણાવ્યું હતું કે ૪ મોટી ઇન્ડસ્ટ્રીઝ ઝોનના અંદાજે પ થી ૬ હજાર જેટલા કારખાના--ફેકટરીઓના માલીકો અંદાજે પ થી ૬ હજાર જેટલા કારખાના-ફેકટરીઓના માલીકો કોરોની સામે લડત આપવા કાલે અને ગુરૂવારે એમ બે દિવસ સ્વૈચ્છિક બંધ પાળશે. જેમાં શાપર-વેરાવળ એસો.ના ૩ હજાર કારખાના ઉપરાંત રાજકોટ એન્જીનીયરીંગ એસો, મેટોડા ઔદ્યોગિક એસો. તથા આજી આઇડીસી એસો.નો સમાવેશ થાય છે.  તેમણે ઉમેર્યું કે આ તમામ કારખાનાના હજારો શ્રમીકોને બંને દિવસ બંધનો પણ પગાર અપાશે, કોઇનો પગાર નહિં કપાય. પરંતુ આ હજારો શ્રમીકો અને તેમના પરીવારજનો આ બે દિવસના બંધ દરમિયાન કયાંય બહાર ન જાય અને ઘરમાં જ પૂરાઇ રહે તેવી અમારી ખાસ અપીલ છે.

(2:59 pm IST)
  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • ભારતમાં આજે પણ અઢી લાખ ઉપર નવા કોરોના કેસ: મૃત્યુ આંક પોણા બે હજાર અને સાજા થયા ૧.૫૪ લાખ: અમેરિકામાં ૫૧ હજાર: બ્રાઝિલમાં ૩૪ હજાર: જર્મનીમાં ૧૩,૦૦૦ કેનેડામાં ૧૦ હજાર: રશિયામાં આઠ હજાર: ઇંગ્લેન્ડમાં ત્રણ હજાર: યુનાઇટેડ આરબ અમીરાતમાં 1809 નવા કોરોના કેસ: વિશ્વભરમાં કોરોનાનો નવો સપાટો હાહાકાર મચાવી રહ્યો છે access_time 12:05 pm IST