Gujarati News

Gujarati News

News of Tuesday, 20th April 2021

બહુરૂપિયા વાયરસે બદલ્યા લક્ષણ દર્દીઓમાં વધી શ્વાસની તકલીફ

શ્વાસની તકલીફ વધતા ઓકસીજન જરૂરી બન્યો છે

નવી દિલ્હી તા. ર૦ :.. કોરોનાની બીજી લહેર વચ્ચે દેશમાં સોમવારે સવારે એક દિવસમાં રેકોર્ડ ર.૭૩ લાખ નવા કેસ આવ્યા અને ૧૬૦૦ થી વધારેના મોત થયા હતા છેલ્લા પાંચ દિવસથી રોજ બે લાખથી વધારે કેસ આવી રહ્યા છે.

આ દરમ્યાન, એક અભ્યાસમાં વાયરસના લક્ષણોમાં ફેરફારની પુષ્ટી થઇ છે. બાળકો અને યુવાઓ પણ સંક્રમિત થઇ રહ્યા છે, હવે શ્વાસમાં તકલીફ વધારે થવાથી દર્દીઓમાં ઓકસીજનની વધારે જરૂરીયાત જોવા મળે છે, જો કે મૃત્યુદરમાં કોઇ ફેરફાર નથી જોવા મળ્યો. બન્ને લહેરમાં ૭૦ ટકા સંક્રમીતો ૪૦ ઉપરના હતાં.

આઇસીએમઆર અને નીતિ આયોગના દેશની ૪૦ હોસ્પીટલોમાં દાખલ ૯૪૮પ દર્દીઓ પર કરાયેલા અભ્યાસમાં ખુલાસો થયો છે કે પહેલી લહેર દરમ્યાન પ૪.૯ ટકા લોકોમાં પહેલાથી કોઇને કોઇ બીમારી હતી. હવે આવા લોકોની સંખ્યા ઘટી છે. અત્યારે ૪૮.૬ ટકા દર્દીઓને પહેલાથી કોઇ બિમારી છે. એટલે કે પ૦ ટકાથી વધારે દર્દીઓમાં પહેલાથી કોઇ બીમારી નથી. એ પણ જાણવા મળ્યું કે પહેલા હોસ્પીટલમાં દાખલ થનાર ૮૭.૪ ટકા દર્દીઓમાં લક્ષણો હતા પણ હવે દાખલ દર્દીઓમાં લક્ષણોવાળા ૭૪ ટકા છે. એટલે કે લક્ષણો વગરના દર્દીઓ પણ ગભરાટમાં દાખલ થઇ રહ્યા છે.

પહેલી લહેરના ૭૬૦૦ અને બીજી લહેરમાં દાખલ થયેલ ૧૮૮પ દર્દીઓ પર આ અભ્યાસ કરાયો હતો. પહેલી લહેરમાં ૬૪.પ ટકા પુરૂ દર્દીઓ હતા પણ હવે ૬૩.૮ ટકા છે. હવે મહિલાઓ પણ વધારે સંક્રમીત થઇ રહી છે. ગઇ વખતે ૦.૧૯ વર્ષની ઉમરના ૪.ર ટકા દર્દીઓ હતા જે આ વખતે પ.૮ ટકા થયા છે. ર૦-૩૯ વર્ષના દર્દીઓની સંખ્યા પણ ર૩.૭ અથવા તેનાથી વધારે ઉમરની ટકાવારી ૭ર.ર ટકાથી ઘટીને ૬૯.૮ ટકા થઇ છે.

  • અભ્યાસના તારણો અનુસાર અત્યારે પ૪ ટકા દર્દીઓને ઓકસીજનની જરૂરીયાત

* નીતિ આયોગના સભ્ય ડો. વી. કે. પોલનું કહેવું છે કે પહેલા શ્વાસ લેવામાં દર્દીઓને આટલી મુશ્કલી નહોતી. પહેલા ૪૧.૭ ટકાને શ્વાસની તકલીફ હતી, હવે ૪૭.પ૦ ટકાને છે. દર્દીઓમાં ઝડપથી શ્વાસ લેવાનું લક્ષણ ઘટયું છે.

* કફ, ગળામાં દુખાવો, સુંધવાની ક્ષમતા ન હોવી, નબળાઇ, થાક, સ્નાયુમાં દર્દ, સાંધાનો દુખાવો જેવા લક્ષણો પણ ઘટયા છે.

* બીજી લહેરમાં સૌથી વધારે ઓકસીજનની જરૂર પડે છે, કેમ કે નવા સ્ટ્રેનથી શ્વાસમાં તકલીફ ઉભી થાય છે.

* વેન્ટીલેટરની જરૂરવાળા દર્દીઓ પણ ઘટયા છે. પહેલા ૩૭.૩ ટકાને વેન્ટીલેટરની જરૂર પડી હતી. આ લહેરમાં ર૭.૮ ટકાને તેની જરૂર પડે છે.

(11:31 am IST)
  • કોરોના મહામારી અંગે ગુજરાત હાઈકોર્ટમાં સુનાવણી શરૂ : ગુજરાત સરકારે ૮૨ પાનાનું ઍફીડેવીટ દાખલ કર્યુ : જેમાં સરકારે કરેલી તમામ વ્યવસ્થાના દાવા કર્યા access_time 12:04 pm IST

  • ભારતમાં આજે પણ અઢી લાખ ઉપર નવા કોરોના કેસ: મૃત્યુ આંક પોણા બે હજાર અને સાજા થયા ૧.૫૪ લાખ: અમેરિકામાં ૫૧ હજાર: બ્રાઝિલમાં ૩૪ હજાર: જર્મનીમાં ૧૩,૦૦૦ કેનેડામાં ૧૦ હજાર: રશિયામાં આઠ હજાર: ઇંગ્લેન્ડમાં ત્રણ હજાર: યુનાઇટેડ આરબ અમીરાતમાં 1809 નવા કોરોના કેસ: વિશ્વભરમાં કોરોનાનો નવો સપાટો હાહાકાર મચાવી રહ્યો છે access_time 12:05 pm IST

  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST