Gujarati News

Gujarati News

News of Tuesday, 20th April 2021

રાષ્‍ટ્રીય સ્‍તરે ૧ મહિનાના ‘લોકડાઉન'થી જીડીપીમાં થઇ શકે છે ૨ ટકાનું નુકસાન

બ્રોકરેજ કંપનીએ ધરી લાલબત્તી

મુંબઇ,તા. ૨૦: અમેરિકાની  બ્રોકરેજ કંપની બોફા સિક્‍યુરિટિઝ એ સોમવારે સાવધ કરતા કહ્યું કે ભારતમાં જો રાષ્ટ્રીય સ્‍તર પર એક મહિનાનું લોકડાઉન લાગે તો જીડીપીમાં ૨ ટકા સુધીનો ઘટાડો થઈ શકે છે.

બ્રોકરેજ કંપની  બોફા સિક્‍યુરિટિઝે આશા વ્‍યક્‍ત કરી છે કે કોરોના મહામારીને ફેલાતી રોકવા માટે સ્‍થાનિક સ્‍તર પર જ લોકડાઉન લગાવવામાં આવશે. બોફા સિક્‍યુરિટિઝના એનાલિસ્‍ટ્‍સે પોતાના રિપોર્ટમાં કહ્યું કે એક મહિના પહેલા કોરોનાના ૩૫૦૦૦ કેસ હતા જે હવે સાત ગણા વધીને દૈનિક ૨.૬૧ લાખથી વધુ થઈ ગયા છે.

રિપોર્ટ મુજબ ‘એ જોવા જેવી વાત છે કે શું કોરોનાની બીજી લહેર રાષ્ટ્રીય સ્‍તર પર લોકડાઉન વગર ખતમ થશે. જો એક મહિના માટે પણ રાષ્ટ્રીય સ્‍તર પર લોકડાઉન લગાવવામાંઆવે તો જીડીપીને એક થી બે ટકા જેટલું નુકસાન થઈ શકે છે.'

તેમાં કહેવાયું છે કે હાઈ ઈકોનોમિક કોસ્‍ટને જોતા અનુમાન છે કે કેન્‍દ્ર અને રાજય સરકારો કોવિડ-૧૯ના રોકથામ સંબંધિત નિયમો જેમ કે માસ્‍ક પહેરવું, સોશિયલ ડિસ્‍ટન્‍સિંગનવું પાલન કરવું વગેરેને કડકાઈથી લાગુ કરીને, નાઈટ કફ્‌ર્યૂ, અને સ્‍થાનિક સ્‍તર પર લોકડાઉન દ્વારા તેના પર અંકુશ લગાવવાનો પ્રયત્‍ન કરશે.

 

(10:58 am IST)
  • રિલાયન્સ ઈન્ડસ્ટ્રીઝ ગુજરાતને દરરોજ ૪૦૦ ટન ઓક્સિજન પૂરો પાડશે : જામનગરની રિલાયન્સ ઈન્ડસ્ટ્રીઝ ગુજરાતને રોજ ૪૦૦ ટન ઓક્સિજન પૂરો પાડશે તેમ રિલાયન્સ ઈન્ડસ્ટ્રીઝના શ્રી ધનરાજ પરિમલભાઈ નથવાણીઍ તેમના ટ્વીટર હેન્ડલ ઉપર ટ્વીટ કરીને જણાવ્યુ છે : કોરોના મહામારીમાં આ મોટા આર્શીવાદરૂપ સમાચાર છે access_time 2:50 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • દેશના ૧૦ રાજ્યોમાં ૧૦ હજારથી માંડીને ૫૮ હજાર નવા કોરોના કેસ નોંધાયા: મહારાષ્ટ્રમાં ૨૪ કલાકમાં સૌથી વધુ ૫૮ હજાર કેસ: યુપીમાં ૨૮,૦૦૦: દિલ્હીમાં ૨૩ હજાર: કર્ણાટકમાં ૧૫૦૦૦ તેમાંથી એકલા બેંગ્લોરમાં ૯,૬૦૦ કેસ: એમપીમાં બાર હજાર: રાજસ્થાન ૧૧૦૦૦: ગુજરાત ૧૧ હજાર અને તામિલનાડુ દસ હજાર નવા કેસો: મહારાષ્ટ્રના પુણેમાં ૯૫૦૦: મુંબઈમાં ૭૩૦૦: નાગપુર ૬૭૦૦ નવા કોરોના કેસ: જ્યારે સૌરાષ્ટ્ર-ગુજરાતના અમદાવાદમાં ૪૨૦૭, સુરતમાં ૧૮૭૯, રાજકોટમાં ૬૬૩, ચૌધરી હાઇસ્કૂલના મેદાનમાં ૧૦૦ મોટરની લાઈનો લાગી છે અને વડોદરા ૪૨૬ નવા કોરોના કેસ નોંધાયા access_time 12:06 pm IST