Gujarati News

Gujarati News

News of Tuesday, 20th April 2021

વેકસીનની આયાત માટે લાયસન્સ પણ માંગ્યું

જોન્સન એન્ડ જોન્સને ભારત સરકાર પાસે મંજુરી માંગી : સિંગલ ડોઝ જ લેવાનો

નવી દિલ્હી, તા.૨૦:  જોનસન એન્ડ જોનસને ભારત સરાકાર પાસે પોતાની કોરોનાની સિંગલ ડોઝ વેકિસનના ત્રીજા તબક્કાના ટ્રાયલ માટે મંજૂરી માંગી છે. સાથે જ સૂત્રોના જણાવ્યા પ્રમાણે કંપનીએ ભારતમાં વેકિસન આયાત કરવા માટે લાઇસેન્સ પણ માંગ્યું છે. ઉલ્લેખનીય છે કે હાલમાં જ ભારતમાં રસીકરણ અભિયાનને ઝડપી બનાવવા માટે વિદેશમાં નિર્મિત કોરોના રસીને ભારતમાં વપરાશની મંજૂરી આપવાની પ્રક્રિયા ઝડપી કરવામાં આવી છે.

જોનસન એન્ડ જોનસન દ્વારા બનાવવામાં આવેલી કોરોના રસીનો માત્ર એક જ ડોઝ આપવામાં આવે છે. કંપનીના જણાવ્યા પ્રમાણે આ રસીને ૨થી ૮ ડિગ્રી સેલ્સિયસ તાપમાન પર ત્રણ મહિના સુધી રાખવામાં આવે છે. આ સિવાય માઇનસ બે ડિગ્રી તાપમાન પર આ રસીને બે વર્ષ સુધી રાખી શકાય છે. ઉલ્લેખનીય છે કે આ વેકિસનનો પ્રભાવ ૬૬ ટકાનો છે. જેના એક ડોઝની કિંમત ૮.૫ ડોલરથી લઇને ૧૦ ડોલર સુધી થઇ શકે છે.

(10:23 am IST)
  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST

  • રિલાયન્સ ઈન્ડસ્ટ્રીઝ ગુજરાતને દરરોજ ૪૦૦ ટન ઓક્સિજન પૂરો પાડશે : જામનગરની રિલાયન્સ ઈન્ડસ્ટ્રીઝ ગુજરાતને રોજ ૪૦૦ ટન ઓક્સિજન પૂરો પાડશે તેમ રિલાયન્સ ઈન્ડસ્ટ્રીઝના શ્રી ધનરાજ પરિમલભાઈ નથવાણીઍ તેમના ટ્વીટર હેન્ડલ ઉપર ટ્વીટ કરીને જણાવ્યુ છે : કોરોના મહામારીમાં આ મોટા આર્શીવાદરૂપ સમાચાર છે access_time 2:50 pm IST

  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST