Gujarati News

Gujarati News

News of Tuesday, 20th April 2021

ભારતમાં વધી રહેલા કોરોના સંક્રમણને ધ્યાનમાં રાખીને

અમેરિકાએ પોતાના નાગરિકોને ભારતની યાત્રાથી બચવા માટે આપી સલાહ

વોશીંગ્ટન,તા. ૨૦: ભારતમાં જે રીતે કોરોનાના કેસ કૂદકે અને ભૂસકે વધી રહ્યા છે તે જોતા સલામતી માટે યુરોપીય દેશો કેટલાક પગલાં ભરી રહ્યા છે. ગઈકાલે હોંગકોંગ દ્વારા ભારતની ફ્લાઇટની ઉડાન સ્થગિત કરવામાં આવી હતી, જયારે બ્રિટનમાં ભારતીય નાગરિકોના પ્રવેશ પર પ્રતિબંધ લગાવવામાં આવ્યો હતો ત્યારે હવે અમેરિકા પણ પોતાના દેશના નાગરિકોને ભારતની યાત્રા કાઢવાની સલાહ આપી રહ્યો છે.

ભારતમાં વધી રહેલા કોરોના સંક્રમણને ધ્યાનમાં રાખીને અમેરિકાએ તેના દેશવાસીઓને ભારતની યાત્રા ટાળવાની સલાહ આપી છે. યુએસ સેન્ટર્સ ફોર ડિસીઝ કંટ્રોલ એન્ડ પ્રિવેન્શન (સીડીસી) એ જણાવ્યું હતું કે, કોવિડ -૧૯ કેસોમાં વધારાની વચ્ચે મુસાફરોએ ભારતની યાત્રા ટાળવી જોઈએ. સંપૂર્ણ રસી અપાયેલા મુસાફરોને પણ કોરોના અને ચેપના નવા પ્રકારો ફેલાવાનું જોખમ હોઈ શકે છે, તેથી તેઓએ ભારતની કોઈપણ પ્રકારની યાત્રા કરવાનું ટાળવું જોઈએ. જો તમારે વધારે ભારત પ્રવાસ કરવાની જરૂર હોય, તો મુસાફરી કરતા પહેલા સંપૂર્ણ રસી લો.

(10:21 am IST)
  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST

  • દેશના ૧૦ રાજ્યોમાં ૧૦ હજારથી માંડીને ૫૮ હજાર નવા કોરોના કેસ નોંધાયા: મહારાષ્ટ્રમાં ૨૪ કલાકમાં સૌથી વધુ ૫૮ હજાર કેસ: યુપીમાં ૨૮,૦૦૦: દિલ્હીમાં ૨૩ હજાર: કર્ણાટકમાં ૧૫૦૦૦ તેમાંથી એકલા બેંગ્લોરમાં ૯,૬૦૦ કેસ: એમપીમાં બાર હજાર: રાજસ્થાન ૧૧૦૦૦: ગુજરાત ૧૧ હજાર અને તામિલનાડુ દસ હજાર નવા કેસો: મહારાષ્ટ્રના પુણેમાં ૯૫૦૦: મુંબઈમાં ૭૩૦૦: નાગપુર ૬૭૦૦ નવા કોરોના કેસ: જ્યારે સૌરાષ્ટ્ર-ગુજરાતના અમદાવાદમાં ૪૨૦૭, સુરતમાં ૧૮૭૯, રાજકોટમાં ૬૬૩, ચૌધરી હાઇસ્કૂલના મેદાનમાં ૧૦૦ મોટરની લાઈનો લાગી છે અને વડોદરા ૪૨૬ નવા કોરોના કેસ નોંધાયા access_time 12:06 pm IST

  • રિલાયન્સ ઈન્ડસ્ટ્રીઝ ગુજરાતને દરરોજ ૪૦૦ ટન ઓક્સિજન પૂરો પાડશે : જામનગરની રિલાયન્સ ઈન્ડસ્ટ્રીઝ ગુજરાતને રોજ ૪૦૦ ટન ઓક્સિજન પૂરો પાડશે તેમ રિલાયન્સ ઈન્ડસ્ટ્રીઝના શ્રી ધનરાજ પરિમલભાઈ નથવાણીઍ તેમના ટ્વીટર હેન્ડલ ઉપર ટ્વીટ કરીને જણાવ્યુ છે : કોરોના મહામારીમાં આ મોટા આર્શીવાદરૂપ સમાચાર છે access_time 2:50 pm IST