Gujarati News

Gujarati News

News of Tuesday, 20th April 2021

ભારતથી આવનારા લોકો પર બ્રિટને લગાવી રોક : રેડ લિસ્ટમાં સામેલ કરતા પ્રવેશવા પર પ્રતિબંધ

ભારતથી આવનારા લોકો પર આ પ્રતિબંધ સોમવારથી લાગું થશે

નવી દિલ્હી : બ્રિટને ભારતથી આવનારા લોકોની એન્ટ્રી પર પ્રતિબંધ લગાવી દીધો છે. જે દેશોમાં કોરોનાની મહામારી વધારે ફેલાયેલી છે, તે દેશો માટે બ્રિટન સરકારે લાલ કેટેગરી બનાવી છે અને ત્યાંથી આવનારા લોકોને બ્રિટનમાં પ્રવેશવાની પરવાનગી આપવામાં આવી નથી.

સોમવારે બ્રિટનના સ્વાસ્થ્ય મંત્રી મેટ હૈનકોકે આ રેડ લિસ્ટમાં ભારતને પણ સામેલ કરવાની જાહેરાત કરી દીધી છે.તેમને કહ્યું કે, ભારતથી આવનારા લોકો પર આ પ્રતિબંધ સોમવારથી લાગું થશે.

ભારતમાં પ્રતિદિવસ અઢી લાખથી વધારે નવા કોરોનાના કેસ સામે આવી રહ્યાં છે. જ્યારે એક હજારથી વધારે લોકો પ્રતિદિવસ કોરોના સંક્રમિત થઈને મરી રહ્યાં છે. તેવામાં દેશભરમાં વિકટ પરિસ્થિતિ ઉભી થઈ છે. ભારત સરકાર પણ લાચાર બની ગઈ હોય તેવું દેખાઈ રહ્યું છે.

(12:00 am IST)
  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST

  • સાંજે ૫:૩૦ આસપાસ રાજકોટ નજીક શહેર અને ગોંડલ પંથકમાં કમોસમી વરસાદ શરૂ થયો છે : આકાશમાં કાળા ડિબાંગ વાદળો અચાનક ઘેરાઇ આવ્યા છે (ભાવેશ ભોજાણી દ્વારા) access_time 5:33 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST