Gujarati News

Gujarati News

News of Tuesday, 20th April 2021

જયપુરની સૌથી મોટી કોવિડ હોસ્પિટલના તમામ બેડ ફૂલ

ગુજરાતના પાડોશી રાજ્યમાં પણ કોરોનાનો હાહાકાર : ગેલરીમાં બેડ નાખવા પડ્યા : રાજસ્થાનની RUHSમાં ૧૨૦૦ જેટલા બેડ, ૧૬૭ વેન્ટિલેટર, ૨૫૦ ICU બેડ

જયપુર, તા. ૧૯ : કોરોનાના સંક્રમણે મચાવેલા હાહાકારની વચ્ચે ગુજરાતના પાડોશી રાજસ્થાનમાં પણ સ્થિતિ બહુ ખરાબ છે.

રાજસ્થાનના જયપુરમાં રાજ્યની સૌથી મોટી કોવિડ હોસ્પિટલ આરયૂએચએસમાં તમામ બેડ ફુલ થઈ ગયા છે. અહીંયા ૧૨૦૦ જેટલા બેડ છે, ૧૬૭ વેન્ટિલેટર અને ૨૫૦ આઈસીયુ બેડ છે. આ તમામ ફુલ થઈ ગયા છે. હવે દર્દીઓને હોસ્પિટલના દરેક ફ્લોરની ગેલેરીમાં બેડ નાંખીને દાખલ કરવામાં આવી રહ્યા છે.

હોસ્પિટલના પાંચમાથી લઈને આઠમા ફ્લોર સુધી ગેલેરીમાં બેડ મુકવામાં આવ્યા છે. જ્યાં લોકો સારવાર લેતા નજરે પડી રહ્યા છે. બીજી તરફ વેક્સિન લગાવવા માટે પણ રસીકરણ કેન્દ્રો પર ભારે ભીડ જોવા મળી રહી છે. હોસ્પિટલોમાં એક તરફ કોરોનાની પણ સારવાર માટે સ્ટાફ લગાવાયો હોવાથી વેક્સીન માટે પૂરતો સ્ટાફ નહીં હોવાની અને લોકોને કલાકો સુધી બેસી રહેવુ પડતુ હોવાની બૂમો પડી રહી છે. રાજસ્થાન સરકારે કોરોનાને કાબૂમાં લેવા માટે રાજ્યમાં ૩ મે સુધી લોકડાઉન જેવા આકરા પ્રતિબંધો લગાવવાની જાહેરાત કરી દીધી છે

(12:00 am IST)
  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • દિલ્હી: રાષ્ટ્રીય રાજધાનીમાં ગતરાત્રે 10 વાગ્યાથી 1 સપ્તાહના લોકડાઉનની ઘોષણા પછી રાત્રે આનંદ વિહાર બસ ટર્મિનલ અને રેલવે સ્ટેશન પર સ્થળાંતર કરી રહેલા પરપ્રાંતીય કામદારો, બીકના માર્યા પોતાના વતન જવા ઉમટી પડ્યા હતા access_time 10:00 am IST

  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST