Gujarati News

Gujarati News

News of Saturday, 20th April 2019

સોપોરમાં મુઠભેડઃ સુરક્ષાદળોએ એક આતંકીને ઠાર કર્યો

વિસ્તારો ઘેરાવો કરી સર્ર્ચ ઓપરેશન શરૂ

જમ્મુ, તા.૨૦: જમ્મુ-કાશ્મીરના સોપોરમાં આતંકીઓ અને સુરક્ષાદળો વચ્ચે શનિવારે સવારે મુઠભેડ થઈ હતી. આ દરમિયાન ઘણા રાઉન્ડ ગોળીબાર ચાલ્યા. સુરક્ષાબળોએ એક આતંકીને ઠાર કર્યો છે અને વિસ્તારનો દ્યેરાવો કરીને સર્ચ ઓપરેશન ચલાવવામાં આવી રહ્યું છે.

જણાવવામાં આવી રહ્યું છે કે, શનિવારે સવારે સેનાની ૩૨RR ટીમ સોપોરના વાટરગામમાં સર્ચ કરી રહી હતી. ત્યારે છાપો મારવામાં આવ્યો અને આતંકીઓએ ગોળીબાર શરૂ કરી દીધો હતો. જવાનોએ તેનો જડબાતોડ જવાબ આપ્યો હતો. થોડીવાર સુધી ચાલેલા ફાયરિંગમાં એક આતંકી ઠાર મરાયો છે.

સેનાના વરિષ્ઠ અધિકારીએ જણાવ્યું હતું કે, માર્યા ગયેલા આતંકીની પાસેથી એક પિસ્તોલ અને ત્રણ હાથગોળા જપ્ત કરવામાં આવ્યા છે. તમામ આતંકીઓની ઓળખ હજુ થઈ શકી નથી. હાલ, વિસ્તારમાં સર્ચ ઓપરેશન ચલાવવામાં આવી રહ્યું છે.

આ અગાઉ ૧૨ એપ્રિલે શોપિયાંમાં સેનાએ બે આતંકીઓને ઠાર કર્યા હતા. ગહંડ વિસ્તારમાં મુઠભેડ બાદ સેનાને આ સફળતા મળી હતી. ૬ એપ્રિલે પણ શોપિયાંના ઈમામ સાહિબ વિસ્તારમાં સેનાએ બે આતંકીઓને ઠાર કર્યા હતા, જયારે ૨૮ માર્ચે પણ સુરક્ષાદળોએ શોપિયાં અને હંડવાડામાં ૫ આતંકીઓને ઠાર કર્યા હતા. આ વર્ષે જાન્યુઆરીથી સુરક્ષાદળો જમ્મુ-કાશ્મીરમાં ઓપરેશન ઓલઆઉટ ચલાવી રહ્યા છે. આ વર્ષે માર્ચ સુધીમાં ૬૦ કરતા વધુ આતંકીઓ માર્યા ગયા છે.(૨૨.૧૭)

(3:45 pm IST)
  • રાહુલ ગાંધીનો ૨૧ એપ્રિલનો કાર્યક્રમ રદઃ રાહુલ નહિ આવે ગુજરાત : અન્ય રાજયોમાં પ્રચારને કારણે વ્યસ્ત હોવાથી નહિ આવે ગુજરાત access_time 4:01 pm IST

  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • જામનગર ભાજપના મીડિયાસેલના સભ્ય અને સાંસદ પૂનમબેન માડમના પિતરાઈ ભાઈ નીતિન માડમ કોંગ્રેસમાં જોડાયા. ભાજપમાં ભૂકંપ : ધારાસભ્ય વિક્રમ માડમ અને ચિરાગ કાલરીયાની ઉપસ્થિતમાં રોડ શો દરમિયાન નીતિન માડમ કોંગ્રેસના પ્રચારમાં પણ જોવા મળ્યા. : તસવીર: કિંજલ કારસરીયા, અહેવાલ: મુકુંદ બડીયાણી, જામનગર. access_time 8:34 pm IST